一些

我頂丫,尋閱竟然講左/講漏左一句野搞到我爸媽以為我辛苦成咁只不過係因為我搞學校drmsoc

辛辛苦苦先令佢地可憐下我竟然一下子破壞晒!



叫我同佢地傾下嘛?

但係我今個星期無一晚可以番屋企見佢地喎



原來開冷氣都可以係訓唔著的

三月中

預計今個月尾出糧只有千多塊......咁我開飯唔開好呢?

昨日頭痛得胡說八道

唯有只帶著驅殼上街,靈魂就先留在家吧

看排戲去

d props真係笑到我肚痛

哎呀雖然話唔駛做得太detail o者,但係..................

晚飯後到旺角,為了買那對roxy鞋子

哦呵呵呵呵買左啦終於!!!好彩仲有40號~~~

我打算待夏天的時候用來襯短褲!!!

一回到家就立即把頭栽到枕頭上

成了近期最快睡著得4小時

半夜卻自動爬了起床

早知不應該把腦子弄醒

結果還是奢侈地睡不回覺

為了今晚要有個優質睡眠

一於開冷氣訓!!!

(不過到底今晚會訓得幾多個鐘呢...........?? =_="")

中文小說初稿31號要交,可是一個idea都還未有

我想要寫一個奇情萬鈞, 錯綜複雜, 顛覆常理的香艷華麗情色故事

有誰可以提供些甚麼點子呢?

昨天

夠啦!!!!!

我為左lee件事
搞到
前晚失眠
尋日補習不能集中
今日差d撞車
今朝mid-term無溫
今朝9點3測驗尋晚4點幾先有得訓
浪費眼淚浪費時間浪費資源
我到底為了甚麼呀???


補習的時間最近竟成了我的避風巷
在那兒我可以很輕鬆的說話
研究一下桌上的習題
我很珍惜可以只專心於眼前一件事的時候

昨晚補習前,因為不知何故開不到補習社的門
所以便先去街角那間茶餐廳吃飯

完全明白點解隔黎品香樓人頭湧湧
lee間野會咁冷清!
叫了一個晚餐
其實我對黑椒豬頸肉飯沒興趣不說(因為早已聯想到會時甚麼質素)
wa首先端上來的
是三份中間塗上牛油的白麵包
重點係勁霉囉,真係似擺左響度好耐果種
mimi跟alex一見到d麵包即刻O左嘴
雖然我對食沒甚麼要求
但係我想講佢真係似三條乾左既白毛巾......
最後當然三塊野原封不動都無郁過就叫人拎走左啦
(真係話唔定係上一桌客唔要同我地做埋一樣既野都唔定......
於是我地先得到一碟咁既野)

嘩第二樣黎既先係最爆
竟然係"西米忌廉湯"!
對啦我沒寫錯你沒看錯
的確係加左西米既白色忌廉湯
佢一拎過黎我一見到已經忍俊不禁
個waitress一行開即刻爆笑
嘩想點呀
如果唔係未上主菜既話我真係會以為碗野係甜品西米露囉!
一路飲(俾左錢架嘛)一路都係笑到收唔到聲
其實定係忌廉湯真係需要加西米架呢?有無人可以話俾我知呀?
救命呀個湯真係笑死我
如果唔係果陣仲未叫野飲既話我真係想影低佢囉

之後仲有舊炸魚做配菜
好彩......佢係成餐入面最好果樣野......總算不是"多舊魚"

不過唯一值得讚既係
我叫杯凍奶茶少冰佢真係少左俾我喎

下次都係去番隔黎品香樓算啦.......................

港青年無時閒 快樂指數尾二

(明報) 03月 13日 星期四 05:05AM
【明報專訊】一日只得24小時，又要上網、打機、傾電話、行街……香港人總嫌時間太少、物質不夠。一項亞太區青少年消費及生活模式調查發現，香港青少年物質生活冠絕各地，但卻不見得快樂。被問到「你現在生活開心嗎﹖」時，香港有11%青少年人認為自己不快樂，相比起亞洲其餘10個地方的快樂指數，排名尾二，僅高於榜末的台灣 。豐富的物質世界，令一眾青少年變得像扯線布偶。
市場調查公司思緯昨日發表以上調查結果，調查於去年10月至12月間進行，訪問了11個地區共1.2萬名8至24歲青少年。該11地區包括香港、新加坡 、中國大陸、韓國 、台灣、馬來西亞 、泰國 、印尼 、菲律賓 、澳洲 及印度 。
調查發現，亞洲青年人普遍「一心多用」，同一時間利用多項媒體接收資訊、並進行各類活動，一日24小時平均可進行共38小時的活動，但仍能保持8小時睡眠時間。香港年輕人每日實際上活動的時間更達43小時。
亞太區內最快樂的年輕人在印度，達98%印度年少年表示活得很快樂，其次是菲律賓及印尼。調查人員指出，相信物質充裕，人所追求的更多，於是感到不快樂。

oh what a reflection..... :(

哈

凌晨一時十分
我想做的事情竟然是放棄
說真的
我沒想過我會有想放棄的一天

有d野未必一開始就係錯
只不過事到如今
堅持落去又是否有意思?

人家告訴我因為這次終於把我看清的時候
我又何嘗不是現在才將別人看透?

今次
我輸了
輸得很慘
還把我一直的信念都輸掉了

咁善良做咩o者?
人地當你狗肺咋!

我投降啦喂
個game係咪可以完啦?


現在是二時零九分

冷靜下來了
便會覺得沒甚麼大不了

我應付得來的
有甚麼大場面我未見過?

現在是二時三十八分

人類這種動物不能縱
你給他們一,他們會希望你繼續付出二三四和五

還有人類只會看見你高調地擺在他們眼前的東西
他們看不見的
就代表你沒有做
哈
根本沒有甚麼公平與不公平嘛
所有事,都是我自己一個人明白就okay
沒問題的

我知道我應該怎樣做了

who google me?

平時,當我不是使用家裏的電腦上自己blog時,我會yahoo search "candydeprincess",再從xanga那邊的link把自己連到這裏(我總覺得直接在ie那網址bar上打自己blog的address時會留下痕跡,讓不知名是誰的人撞上來甚至login)

今天當我如常上yahoo search自己的時候,我發現在搜尋結果的上方,多了這麼一行字:
相關搜尋： candydeprincess shady xanga, xanga candydeprincess

嗄到底有沒有人可以告訴我發生甚麼事呢?
為何萬人迷shady會跟我這個路人丙扯上了關係,還要有人在yahoo search我呢......??!!!

我跟有俊同學的關係只是上年ptm的同組groupmate兼在final performance中有些對手戲而已.即使我們飾演的是情侶,但在戲中沒有任何火熱的行為啦.....

對不起哦,萬人迷shady的admirer(s)請放心.我真的沒有跟你們的偶像有甚麼特殊,或者不可告人親密的關係耶......

幾通電話

嘩嘩嘩我剛剛在公司打了一通電話給陳文剛哦! @_@

為的是代我老細告訴他,劇本已經send了去他的e-mail去(我經常要做這些事的,我很懷疑是不是演員與dancers都不會自動check e-mail的嗎?我記得上年薯片告訴我因為工作所以他每天都起碼check三次e-mail的喎)

wa真係好緊張......緊張到完全唔知自己講緊咩......
總之就講野講到一片混亂......d次序錯晒......
(lee個時候肥聰一定會話: cherrrr打俾陳文剛有咩大不了o者?!)

其實我想同佢講......我係你粉絲黎架架架!! ^o^


之前都為了傳話撥過幾次電話給鼎鼎大名的set designer曾文通先生.初時我真的以為這位曾大師是個阿叔來的.但上星期日晚跟他碰面才發現,原來他還很後生啊......

跟我公司合作的設計師們,都很nice.

我當初做這份工的時候,完全不知道原來我工作的一部份是要跟許多久仰大名的劇場人作聯絡.
這對我來說都算是一個bonus啦~~~


今天下午我正打算來個補眠的時候,ied drama society的P還是甚麼的打電話來找我,為的是問我們可否借個位置讓他們擺放ap的leaflets.
於是,我跟這位素未謀面的女生竟然吹了15分鐘的水,從"喂我都識人響ied讀幼兒教育喎"講到drama society的貧窮問題.
我們都同意大專drmsoc搞performance是一件很燒錢的事.

嫁

剛才,我又因為食完通粉唔順手洗埋隻碗而被哦.

我:快d幫我搵處好人家嫁左佢啦,咁你咪唔駛咁辛苦囉
爸:睇你個款都幾難
我:貼街招招親囉
爸:翳都翳到唔值錢啦

其實我爸媽曾經三番四次叫我去選港姐架喎
佢地幾時變得對我咁無信心架呢?