first audition

嘩嘩嘩終於in完喇

記得舊年我響waiting room等左成粒鐘

呆到出晒蘑菇先輪到我入去in

但係今年真係超快

信上面寫interview時間係2點10分

我2點左右去到,等到大約2點15分就有得入去喇

但係更估唔到既係,今次真係有得同識得既人一齊入去in!!!

就係交form果陣已經撞到既mattew!!

唔通差不多時間交form既就會安排埋一齊IN?

因為我見到前面果組果4個人,都係互相認識的......

之不過mattew又講得岩

有幾多個人唔係臨尾果日先交form?

今次嘛

我都係放輕鬆地準備今次audition啦

因為橫掂都唔會入架啦

所以我就真係take得非常easy

入到waiting room我都係覺得我唔會記得歌詞

所以臨時決定變陣,唱我最熟果首!!!

有左第一次經驗

又可能因為我特登"放輕鬆"

緊張都有既,但係無上次一入到去成個人硬晒咁誇張囉

今年既judges其實都係果d

羅冠蘭陳敢權蔣維國伍潔茵

我一見到陳敢權,先諗起我地仲未俾番錢佢......=_="

羅冠蘭個樣都係咁嚴肅

唱歌果陣陳敢權望左一望羅冠蘭

我先諗起羅冠蘭先前都有份做我和春天有個約會!!!

哎呀我無心架其實

lee首歌響我早幾年有興趣去in apa果陣已經諗定要唱lee隻

仲有呀伍潔茵真係好有型

勁快就出得番去

都唔知望有2nd in定無好

因為2nd in既日期既6月10號

我果陣應該仲未番到香港架.........=_="

做乜鬼又撞時間架o者?!?!?!?!?!?!

不過是但啦

收到信先再諗點算好啦唯有..............

無錯,歌詞係手抄的

因為我家printer大人唔知做咩print唔到野

但係最後我都係無唱lee首囉

綠超

響今日lee個陽光燦爛既午後

響LCX打左個白鴿轉

原本諗住逃得過

點知都係響moussy

出了一點小意外.................

patpat痕

都係去in下襯下熱鬧咁o者
又唔係一定中既,去in下無壞喎!


by the way 要恭喜kathy咁快就有contract call!

so lovely!

真係好靚呀
最鍾意係第一條手鏈
hkd$990........等我諗諗先

http://www.annettejewel.com/?wh=1

瘋狂24小時

尋日我創下左自己既紀錄
我響公司連續工作左24個鐘!!!

就又係因為要追proposal之嘛..........
連續24個鐘不停對住部電腦,打字打到手都痛
我之前果日已經響公司一晚頂架喇...我都估唔到咁快又黎

份野6點鐘deadline,5點果陣老細話,不如由我出去尖沙咀交
嘩lee件咁神聖既工作我當然願意做....不過真係勁淆底!
成十幾萬既proposal...如果6點前交唔切去既話....都真係幾大wok!

其實5點出去6點前一定到既,只不過係
你知啦,世界上咁多意外

"死啦,你估地鐵會唔會撞車?"
我老細聽到我講lee句都怕左我
即刻決定俾錢我搭的士算啦
雖然我都明白地鐵撞車既機會率一定比的士高既
不過成幾十萬既proposal響我手上呀.........!!!
總之就勁淆啦........

最後
的士3個字左右就飛到出文化中心
5點40分完成任務!!!

為左慰勞身心皆疲
仲要連續好多個鐘都無啖好食既自己
一於唔理自己一身t-shirt短褲加brikenstock既"通頂裝"都唔番屋企住
去左harbour city食super sandwitch
雞肉凱撒沙律+橙汁
大滿足呀!
但如果係三文魚凱撒沙律既話,就更加完美囉~~~

時間過得勁快!聽日就要去in apa!
都係果句,無期望就無失望啦

勞動節快樂

尋日上晝入台
我真係要對所有義工致上最崇高既敬意!!!
waaaaaaa搬椅收椅真係超辛苦呀
估唔到我地既勞動節遲左兩日先黎
俾錢我都十萬個唔願意去做lee d咁既粗重工作
義工實在太偉大啦!!!

move in要搞足全日
但係strike out只需要兩個鐘!!!
lee d就係team work同埋professional啦!!

尋晚去左馬戲班casting
當係準備一下我星期五既audition,睇下會唔會有d咩inspire到我咁o者
我唔係一個容易concentrade既演員
所以,其實我一直都無咩點正望阿耀對眼

casting之後
我,阿耀同louis三個人去左打邊爐
哈哈哈我都覺得lee個組合仲要係去打邊爐的確係有d搞笑
但係事實上大家都過左好開心既一晚丫
由新蒲崗行番去黃大仙途中仲要落大雨......!!!
我覺得我係因為飲醉左竹蔗茅根先同佢地兩個咁玩法囉
話時話,d竹蔗茅根真係勁甜!!!

今朝仲要繼續call 09添呀
我已經覺得勁早
死啦下星期日call 0830響跑馬地點算?!?!?!?!?!?!?!?!?!

今日真係超爆熱
真係無必要我都唔會走出個戲棚
睇黎我要去買番支sun block
打緊blog既時候我feel到塊臉仲係好興

全日我一共離開左我個"dou"兩次
一次真係忍唔住去廁所
第二次係順手四圍行下睇下其他嘉賓既演出
兩次我都係戴實頂草帽先敢行出去
parade d人一戴起d草帽
我老細即刻話"可以去耕田啦你地"
我覺得頂草帽真係勁爆笑
有幾多年無戴過草帽呢我?

如果頂帽唔係草帽
而係lace帽既話
我絕對係一個高貴既"法國妞"!

終於有機會睇個主舞台演出
好好睇呀真係!
仲要搞到我真係好技癢
但係如果今個星期四晚我走去跳舞既話我第二朝起身應該會死響張床上面去唔到audition啦
如果我當年唔係忽然暴肥
可能我想做既野會係ballerina而唔係actress都唔定!

仲有我發覺"超人的主題曲"真係老少咸宜
一出大家就high晒
不如過幾日audition我唔好唱何韻詩
唱超人迪加算啦

村姑的一天

"茶果嶺既小朋友
大中細都有
大個買車又買樓
變得好富有"

我公司個文化大使戲棚計劃第二個site就係我以前做青少年劇團果陣成日都要去既---茶果嶺!!

吹波波
wa睇下,真係唔係講笑,勁曬!! 如果唔係要去廁所既話我唔會走出個棚度囉!
我和我的partner ivy
今日影左咁多張相,咪就係lee一張影唔到我個黑眼圈之嘛
好鍾意lee張相呀我!!係咪好有陽光女孩feel?

忽然鬼妹

經常都有新相識的人問我是否外國讀書回港
但係話我有"鬼妹仔性格"既就真係第一次聽!!
呵呵呵
我都知我熱情奔放架喇!

最近成日響我公司出現,兩個姓"何",都係做custome既mandy同cindy都勁好笑
超好玩,只要佢地兩個上到黎,加上我同ivy
4個女人一定會勁嘈
可以同d咁nice既人共事,真係好開心呢

原本今日要去補ielts
但係因為mimi小姐唔得閒所以又臨時cancel了
改為同andy出旺角繼續格價

跟住,件事就發展得好快
因為開始驚再唔訂就會full,而且價錢真係okay
我地book左package 6月4出發,11號番香港!!
仲要係住勁靚既scarlett hotel!!!
同埋搭--國--泰--!!!

嘩嘩嘩真係忽然豪氣
是但啦!一生人最緊要豪一次呀嘛
(咦我好似上次去旅行果陣都講過lee句野喎)
(咩o者hkd$800/3hr既spa真係物超所值架)

但係我真係要打一次andy兄sms俾我個行程出黎囉!!
"我地4號去到新加坡係果度住一晚, 5號玩到六點就搭車去馬六甲住一晚, 6號係馬六甲, 玩到八點就搭車去吉隆坡住一晚, 7點係吉隆坡玩到8號就搭火車上濱城, 8號係濱城玩到九點就搭火車落番吉隆坡, 9號係吉隆坡玩一日過一晚夜, 10號下午就搭車落新加坡住一晚, 11號玩到五六點就飛"

wa想點呀??
行程緊湊到咁樣樣
我地到底係去走難定避債呢? =_="

anyway,黎緊要做既就係更努力搵錢!!!