Suddenly, this summer

唔呵呵呵哈哈 (遮醜的笑)
又好耐無寫blog喇哈哈哈

剛過去的升bfa1這個暑假
因為那份iac工作
所以都過得幾充實啊

一開始番office的確是好x悶的沒錯
都係多得lee一年apa將我個patpat訓練成為尖的
硬係坐唔定
習慣走來走去咁跟show
哎呀我以前真係唔覺得坐office係咁死悶的
如果可以名正言順的渣流係無所謂的啊
可是卻不知道甚麼原因個個都在扮忙.........................

到任後第一波是opening cocktail同opening performance
第一次親身睇我國的得獎雜耍
唔.....
我只可以說不怎麼是我杯茶啊

而且一整天在處理名牌等等的事
腦子已經好累
所以..........................睇睇下睡著覺也不出奇..........嘛
不過第一次幫忙搞這樣的event也實在是很好的經驗!

接住落第二日就係響jccac搞mask workshop
jccac真的是一個不錯的地方
但很搞笑的因為豬流感的關係
我地要幫手用1:99漂白水抹桌椅
我是清潔阿姐...............

完左lee兩日既workshop之後
隨即開始放大假
有成6日咁多
做暑期工做到有大假放真係幾搞笑
為遲d爆show無假放既日子做好準備!
有得訓就好訓喇

lee幾日大假入面
都幾充實
首先跟elly, kaki, 企去左轉澳門
超級多謝阿駿百忙中抽時間車我地四圍玩
有車真係超級正!!!!!
食完又上車, 坐車坐到去下一個checkpoint又繼續食
食完再上車再去下一個checlpoint.....................
lee個豪華養豬團番到香港之後仲要用賭錢嬴番黎果d去食餐麥記
結果就係肥左成個圈

因為我地成個department會搬去pc lab果邊
所以之後有兩日就番學校幫忙執拾大房
跟微波爐同雪櫃上面既頑固污積搏鬥

復工後我響iac既第三項工作係跟三team內地黎既puppet團體既做既show
埋首在三個venue的ground plan
我真的好久沒有計數了呀=_="
計了一整個下午才算出了到底所需的backdrop需要多少黑布和繩子
連同事們都快看得出我頭上噴出的煙了

move in第一日係響山卡啦咁遠既北區大會堂
果朝仲要八號波!!
好彩差不多7點果陣就落波
係就係狼狽左少少, 總算有驚無險
順利響show前完成set-up同dress reh

第二日去到荃灣大會堂
無access platform, 條bar又唔識落黎
個backdrop要爬A梯上去整索帶
嗚媽咪我第一次爬咁高既A字梯呀呀呀
(雖然上次做light crew fo underbar果陣都驚驚地, 但都無今次咁淆底)
其實上多兩次去又無咁驚既
算係超越左自己囉!
再次覺得學校有courgar係一件幾咁幸福既事.............................

最後去到沙田大會堂
相比起前兩日
個crossover, side stage同backstage實在係天堂

同班祖國既同胞做show都算係第一次
其實佢地係勁nice的
只不過...........我的普通話實在有點太爛.............
直情有人問我學校其實有無普通話讀的................... 囧
我丟了香港人的架了嗎.........???

可以話係"捱"完左個祖國團之後
接住跟一個juggling既solo show
成團只係得來自加拿大的兩公婆

男的是雜耍演員, 女的同時兼任sm, photographer, website designer....等等等等
超級sweet的兩個人

第一次去接機
佢地晨咁早5點幾落機
於是我同老細約左半夜4點響黃大仙等
齊齊搭的士入機場

可能因為太興奮, 果晚我訓極都訓唔著!!
結果訓得兩個鐘就要起身行落山 (未有車搭嘛)
咁樣起身法咩胃口都無
唯有去7記買盒豆腐花一路行一路倒入口
夜媽媽一條友響街度一路行一路食豆腐花其實都幾寫意XD

終於等到佢地架機響顯示板度寫係land左
但係愈等愈唔對路
等左成個鐘都未出黎...........??

打電話上cx個hotline度問
點知佢話要朝9晚5先有人聽電話
玩野咩..... 果陣6點都唔夠.................
再打去搵咁岩響機場番緊工既朋友
佢竟然話乘客名單入面無果兩個人既名?! @_@
wa果下真係有d淆底
好彩再等左一陣, 老細就打電話黎話終於接到佢地
原來佢地唔見左件行李, 所以先搞咁耐

上左旅遊車往酒店途中
響機場附近俾我地見到一條勁大勁粗既彩虹!!
wa我已經好耐無親眼見過彩虹喇
對上一次有印象見到彩虹, 就係當年響澳洲
仲要係double raindow, 同一時間出現兩條
artists們都認為lee條彩虹係"lucky rainbow"

事實證明, 果條彩虹真係lee個show係lucky rainbow
幾個鐘之後番到office, 隨即收到電話話已經搵番唔見左果件行李
之後果兩日, 一直都有d唔太舒服既sm響香港睇左醫生, 發覺原來佢有左bb!!
噢噢 *o*
全個show既人都為佢高興!!

這對couple真的超級超級sweet同nice
每次搭車果陣同埋有機會既時候都會把握機會同佢地傾計
佢地個show都係超級好睇
每場audience個反應都係超好!!

送佢地機既時候
唔覺唔覺原來5日真係好快過
同佢地合作lee幾日真係好開心
好唔捨得佢地走呢

我都好想嫁到俾一個會去好多唔同地方表演既artist
可以同佢一齊四圍飛四圍show啊.....................

circus incognitus過後
休息一天
便立即衝去下一個show的準備工作
趕到差d連個show既dvd都睇唔切

來自西班牙的music comedy PaGaGnini
又係意料之外超好睇既show!
就係因為lee個show同好多野同時撞期
搞到我又睇唔到全人類勁讚的b-boyz又睇唔到阿企個teen wave,
同埋space drmsoc個ap
但係我一d都無後悔!!!!!!!!!!!!!!!!!!!!!!!!!!!!!!!!!
因為佢地stay響香港果5日
我同bonnie就"心花朵朵開"足5日啊.................. *v*

well, 事實上
我又無bonnie咁好命水
因為其中有一日, 就係佢地到香港既第二日
竟然有位musician肚子嚴重不適
而咁岩只有我響hotel (因為咁岩我正幫另一位遲一日先到既artist check in, 其他全部人都響venue度入緊台)
所以我就肩負上領這位可憐的去睇醫生既責任

我咁大個女都係第一次打電話上酒店房搵人
響電話入面了解左這位可憐的既情況

你知道響電話聽英文係超級難的
睇唔到口型, 又無body language
我要超級專心咁聽佢講佢有咩唔舒服, 一路mark低重點
我覺得.............自己真係好似玩緊listening練習.....................

可能我響hotel lobby係咁打電話個樣實在太慌張
(lee個時候我老細竟然唔聽我電話...... 嗚)
所以酒店果位duty manager都走黎睇下我有咩可以幫忙
仲俾左最近酒店既clinic同醫院既地址我
(我忙到連果本tour guide都揭唔切)

其實我都有wonder過應該帶佢去急症室, 定係去clinic呢?
而果一日既之後果日, 就係我地個show既opening
lee個時候搞d咁既野真係好濕滯
我都無乜時間考慮既情況之下
我決定帶佢去酒店提供響附近既clinic
(唉, lee個時候老細終於肯聽我電話
話時話阿老細佢都幾慘.... 無啦啦勁多事同一時間發生
都唔知處理邊樣先好........... 但得我一個人都好淆底啊)
原因呢, 其實只係我覺得"政府"響lee個時候既立場
就係"大事化小"
去clinic既程度........ 應該係比要入到急症室輕微吧?
好..... 一於去clinic...........

因為間clinic實在太近
所以搭的士既話實在有點兒唔知點咁
於是........ 我就唔知點咁帶住一個虛弱到爆既artist一齊行入鬧市
搵果間clinic出黎
唉其實見到佢咁辛苦, 我都覺得唔好意思
但實在太近啦......... 真係搭唔到的士呀嘛...................

近就話近
都要由街頭行到街尾都要d時間
好不容易先搵果間傳說中既clinic
等等下果位artist又有需要去廁所

但你知道嘛
香港d廁所, 唔好彩起上黎真係可以好差劣的
差劣成點?
蹲廁囉.................................................

但天呀!!!!
佢鬼佬黎架!!!!!!!!!! 佢用唔到蹲廁架!!!!!!!!!!!!!!!!!!!!

結果
佢都係放棄左去廁所
出番黎
等多左陣, 終於輪到佢入去見醫生
(唉, clinic入面其實係無廁所的
要去既話要行過去隔黎座大廈先有
佢當初仲要唔信clinic入面無廁所lee個殘酷既事實...........
咁樣一來一回又實在係辛苦佢既..................)

一輪診斷之後
我以"康文處職員"的身份入去問醫生到底佢咩事
原來artist係咁話要果樣野.... 係血清.......!!
(btw, 果位女醫生都幾型........ 佢直情開埋個電話查字典俾我睇果個字真係解血清......)

血清就無喇
醫生開左俾佢果d藥, 食左之後佢離奇地好番晒!! @_@
第二日仲可以照開show添!! 真係感謝主啊!!
真係無浪費到我刺激既一日
嚇到我想暈埋一份咁滯
得我一個人處理咁大件事, 真係好淆底嘛
我個電話仲要無乜電剩
好彩可以響酒店lobby借到電話

帶佢睇完醫生番酒店之後
連其他響venue既同伴都完成左工作番到黎酒店
嗚我入少左日台添
點解會咁早就搞掂晒d野架?

一行七個歐洲男人
並唔係個個都熟英文
(有時候我地d英文係鬥差.... 但明明我上次同果兩個加拿大人講英文係完全okay的
為何我有時對住佢地會唔識講英文???)
所以一開始真係幾靜, 一齊坐旅遊車果陣都唔多出聲
講得最多既, 就係佢地響show入面果幾句廣東話台詞
不斷咁講"mama", "我愛你豬豬", "為你做到一百分"
仲有"大鑊"
頭果三個既效果超好! d觀眾get到晒! 作為老師既我地總算有d成績!
但係最後果個, 唔知係太細聲定係點, 好似無咩反應呢............

雖然我知道如果佢地教講"仆街"既話, 效果會突出
但係如果佢地真係響個台度講"仆街"既話, 我相信我都會一齊仆街...............

之後, 可能見多左幾面
或者大家心底裏都係熱情既藝術家(!!!)
多左交流之後, 佢地係超好玩的
我地仲教佢講"靚仔"同"靚女"
佢地又教番我地西班牙文點講
(哈哈! 抽晒水!! 佢地係咁叫我地靚女!!!! XD)

西班牙人真係嗜酒如命
佢地到步既第一日, 我地帶果三位technician去酒樓食飯
諗住叫三個"食送"應該食得飽佢地的
點知一坐低佢地即刻叫啤酒
一連飲左好多枝
最後竟然食唔晒d"食送"
(btw, 果位lighting technican拎筷子拎得仲正統過我..!!!
佢同伴話因為佢成日都有機會去中國工作
但係........ 我係土生土長響香港的喎................ 囧
超級慚愧啊..............)

而之後果幾日, 見到佢地好似淨係食煙同飲啤酒就飽咁
可能一方面又唔多夠時間做野
放飯果陣都要做埋
所以, 只係夠時間食煙......同埋飲啤酒吧
(唔係講笑, 有次我真係見到唔記得左邊個
lunch time話唔駛帶佢去食飯
就係拎住幾罐響7記買既啤酒出左去煙格的)

佢地個show真係好精彩
可惜因為我今次多數響FOH, 唔係場場show都可以睇足晒
而且我覺得d人太過份啦, 成日走來走去出出入入!!
人地已經夠忙架啦嘛!!!
台上又有靚仔台下又有靚仔sound techician響我隔黎推緊panel你叫我睇邊個好o者????!!!!!
仲要響我面前"邑邑養養"......... 阻住我睇呀!!!!!!!!!!

雖然我仍然保持住一貫專業既形象
但係............eeeeeee唔該你地乖乖地好無呀?!
個show都係個半鐘o者!!!!!!

不過唔做過小朋友show都唔知
原來有d真係會一black out就即喊要抱番出門口的
今次lee個show都有幾個要企響門口睇電視
雖然............. 我當年都唔係好得佢地好多嘛...................

我最鍾意就係其中最高大最靚仔果個musician solo eletronic violin果part!!
首歌係即時用effector做mixing的
超級係我杯茶

但係唔知點解, 果part最好睇果陣唔係show果陣
而係做緊sound balance同埋rehearsal既時候
我企響台上/台邊睇果陣係最好睇架呢........................... *v*


想知道d人鍾唔鍾意lee個show好容易
除左可以睇下d my view form寫得有幾熱烈之外
仲可以見下買紀念品既情況有幾犀利
佢地帶左幾十隻佢地個show既dvd黎FOH開檔賣
全-- 部-- 賣-- 光--!!
最後果兩隻俾我地自己友執埋
仲有可以集齊簽名添!! 爽!!


最後果場由西灣河移施去元朗劇院
wa我第一次響元朗個theatre做show, 個後台真係天堂
淨係dressing room都已經勁大
個場唯一唔好既, 就真係有d太遠喇

雖然個場咁遠
但都坐滿晒咁滯!

最後一場臨別秋波
artist們先諗起好似無同過我們local staff食過飯
於是當晚我地響office一邊執野, 一邊等佢地睇完"幻彩fing噹噹"
就一齊搭小輪轉的士到soho區晚飯

如果唔係果晚同佢地食飯
我都唔知
1)鬼佬咁欣賞香港的soho區
2)原來鬼佬AA制得勁徹底
3)原來刷卡可以同佢講話刷幾多金額

其實............ 我咁大個女都係第一次響soho區食法國菜咋!! 哈哈哈哈
席間同佢地傾計
原來佢地個show已經去左好多地方, 黎緊仲會去好多唔同地方巡迴
下年5月會去澳門!! 噢噢噢!!!!! 我要去睇啊!!!!!!!! @o@

佢地教左我幾句西班牙話
短短地果d都okay的
但我都係講唔到d震舌音
"I am so hot"既西班牙文勁長勁難記!!
因為lee句野實在太長, 我無mark notes, 所以我已經老早就忘掉了~~~
之後有兩句我有mark低的,
但講真佢教我講果幾句野都唔知係咪果個意思既???!!!!!
佢地一路教我講一路自己響度狂笑..... 一_一

當然少不了交換e-mail/facebook/msn的環節
噢地球既另一邊都興msn/facebook同寫blog架!! 完全feel到internet既偉大!!

佢地最後一日響香港, 食完飯又唔多願走
於是我地帶佢地四圍行下
行到老蘭, 又唔知有邊度好去
無理由唔入去飲番杯吧?
是但揀左一間坐入去, 互相以我地有限既英文傾計
第一次同佢地講咁耐野
傾左好多關於做theatre, 有關今次lee個world tour既野

由於我地既英文實在係鬥差既關係, 而且我當時已經非常之累
(朝早call8點3到hotel lobby9點正到元朗劇場再直踩set up on show strike out啊)
所以我需要更用精神先聽得明佢講咩
桌面放果杯sex on the beach只係飲得幾啖而已.........

就算幾唔捨得走都好, 拖到2點幾3點終於的起心肝, 要先走了
班artist就話直踩通頂無所謂o者, 因為聽朝一上到機就有排訓啦
但我地第二朝係call 0830響酒店lobby等送佢地去機場!!!!!!!!!!!!!
最尾, 當晚我只係訓得兩個幾鐘
臨訓前我決定第二日搭的士出尖沙咀算了

送佢地走真係好唔捨得
其實諗番起, 我都有d後悔.............點解果日響機場無俾果個靚仔musician嘴落黎!!!!!!!!! 嘿嘿!! XD

搭番公司果程巴士
我同bonnie響車上面訓到死左咁滯..................

同日舉行了本年度iac的慶功午餐盛會
響office切燒豬!! 超好食!!
仲有響北京樓食飯, 難得齊人, 飽到飛起.............

講到食, 唔可以唔提果間20蚊飯盒....... 囧
話說有一晚我響屋企一邊上網一邊睇新聞
竟然俾我聽到有個新聞話有間響尖沙嘴既無牌食品工場被查封
衛生環境超級差, 仲響廁所yip豬肉!!
咦乜新聞度影果張外賣紙咁熟口面? @_@
第二日番到公司, 原來已經有人剪左報
仲認得出新聞相入面俾人塔住果個女人............ 就係成日上黎送外賣果個女人!!
拎住果張剪報真係笑到收唔到聲............. 咁都食我地唔死都算犀利!!

我做iac internship既相可參閱facebook!!

所謂升得愈高跌得愈痛
當早幾個星期都仲係過住五光十色
鑊鑊新鮮鑊鑊"甘"(喂我無錯別字XD)的生活
但contract一完就立即變成日日呆響屋企既宅女
可想而知係幾咁大既差別
兩個星期悶到嘔既生活真係頂唔順
等得好辛苦先終於開學!!!

八月中的時候
又跟"9男女"的代表去多了一次澳門
去捧"羅密R"的場!!
吃了很好吃的葡國菜
還賭了幾十蚊估骰仔...... 有時黑起上黎真係唔係人咁品的=_="
幸好我地飲左好多杯免費可樂, 唔好蝕俾佢!!!

開學前, 終於俾我地等到大房的入伙之喜!!
我地等lee間房真係等足一年~~~
繼續努力佈置我張"姣登登"桌子!!

9月1日準時開學
真係有無盡既感慨
落天橋樓梯轉彎行入tech ent果下, 百般滋味在心頭啊
終於等到有lee一日了
差d有喊出黎既衝動

今年d科真係要溫書的
無得好似舊年咁玩一輪就有好成績
今年仲無得免修中文添啊.............唉我死硬
我要加油!!

我極度害怕的music score, 其實都叫做好彩當年曾經學過半年琴同埋唱過一陣子choir仲有音樂堂有聽書, 叫做有個印象
開學半個月, 說時遲那時快已經考了mid-term了
最搞笑的是考之前果晚我在facebook寫了我唔知點記咩major有幾多/乜野sharps幾多flats之後
忽然即刻有好多音樂既朋友主動打電話 / msn搵我問我識唔識方法點記
仲有教我各派別記majors既口訣
諗諗下先知原來我身邊真係有好多professional音樂老師!!
超級多謝這堆唔知響邊度跑出黎幫我溫書的朋友們
btw facebook真係好偉大啊啊啊啊!!

星期五的上晝是這個sem之中最快樂的production concept課
william老師真係超好玩 (雖然我地成日都搞到佢想殺左我地或者用個曼頭塞住我地把口)
但那個"feel cheap"的"field trip", 竟變了攝影學會的實習課.....................
點解jc project無得俾我地自己友做番演員架??? 人地明明果個期勁得閒............


production practice方面, 終於輪到我期待多年既dsm!!
兩個都係event show, 雖然的確有d失望
但係仍然好期待, 有邊個show又有得cue drama又有得cue dance先?
真是從地上撿上來的機會
係就係勁淆底 (嗚得兩個tech reh sessions到底我tech唔tech得晒所有cue架?!)
不過我相信會好好玩!!

從天上掉下來的機會, 加入了那個"opera 0"當asm
原本是打算"搭膊頭"去幫一下忙而已,
但因為"自願減薪計劃",這個show變成了我今年其中一個計分的production practice........
哎呀感覺上就像嘛......................原本是自由戀愛open relationship的關係
變成了忽然要嫁給這個production一樣!!
我又不是害怕跟這段關係有commitment, 而是原本我打算輕輕鬆鬆的去學多一點東西而已..........
anyway, 現在總算光明正大的跟這個opera zero了!!
兩個show一樣都係2個credit之嘛!! 已經沒有"正室"跟"窩輪"的分別了!! yeahhhhh!!
雖然.............. 我仍然掛住從前去當extra的日子................. 那些錢還真的很易賺....................


拖拖拉拉了半個月
終於寫好了這篇entry
唔知下篇entry我幾時先會有興致寫呢可?? XD


by thew way, what means by "tigretón" lei actually...?

黎黎黎黎....!!!

得!
寫緊.... 寫緊...!!!
等多陣...................
就黎會出新entry.........

等..........等多...........
幾日掛..............
:P