迫你聽之八月

由於聽日開始入tech
好夜先會返到屋企
(荃灣大會堂.............丫
我仲未知道佢exact locate響邊)
無時間搞咁多野
所以今日先update background music囉

是椎名林檎的意識啊!
係平成風俗的版本
真係好好聽架架架架架!!!

今早起床落去睇醫生
探熱, 仲有燒
好彩順手拎埋本書落去等
唉...........輪街症係咁架喇
見醫生要等
拎藥又要等

結果
除左多左支咳藥水之外
同我平時響屋企拎黎食果d藥根本一樣!
唉我係應該落去睇私家醫生的.........

聽日入台喇
仲有最後三日
大家加油!!

我在發熱發亮....!!

先補返尋日既相~~~~~~~

同唔到彎彎真人合照, 同個紙板都好丫..............
lee張相絕對唔係合成.....!!! 仙果園既"什果炒飯"!!!
真佩服carlos嘗試新事物既勇氣........... 我試食左一舊椰果, 估唔到係熱的.......佢真係倒d什果落d飯度一齊炒..........
咪就係勁正之嘛! wakakakakakaa (雖然carlos個樣勁似去唔到廁所)

書展的收穫, 卓韻芝的低胸裙戰爭同埋低能婚禮. 原本無打算響書展度買d一早打算買既書(根本平時d上樓書局全年都打緊八折嘛), 但係行完果6點鐘之後都係搵唔到咩驚喜, 咁入到書展無理由唔買書出番黎架嘛..............
前面粉紅色果個係passport套, 想買左好耐, 因為一直覺得本特區護照長相甚為樣衰(以上並無political成份), 見到個巴黎鐵塔就好鍾意! 但今日拎出黎打算擺本passport入去, 先知原來lee個套既design非常蠢.....唉算了


尋晚已經feel到十分唔妥
於是盡早quit左果個死唔斷氣既msn chatroom
將電話較做震機
大覺訓

今朝十一點幾就自然醒左
全身發燙
我媽都覺得我係發燒
就幫我打電話去輪街症
(因為大家今日剛好都無錢響銀包.......本人糧尾, 更連睇醫生既錢都無.....都話文化事業無錢賺架啦, 唉)
點知一排已經要到聽日12點!!
嘩點呀? 乜真係咁多人病咩?
定係政府使既把戲
令d人第二日feel better之後索性唔睇醫生
咁就可以慳番唔少資源.........!!

結果今日全日響屋企休養
連戲都唔去排.............................
過幾日show喇
再去我真係驚失聲..............................

天然暖爐

今早跟小manman到書展去
嘩真係霹靂爆多人
有無搞錯呀今日明明係星期一
點會多人成咁架?
好慶幸尋日都係無去到
如果唔係一定夾死左都出唔返會展

實在太迫迫貢
十一點多進去
六時多才走出來
其實我都不明白為何可以行到咁耐呢?

看到"駒歌"的劇本發售
是重演版的劇本
但也想不到...........竟會有我的樣子出現在書上..............
數數手指
那是五年多前的事了

有人也留意到書展一年比一年多人
響灣仔地鐵站遇見不少怪怪的人
還有不少操半鹹淡廣東話的人也是前往書展
根本不是香港人的閱讀心連帶書展入場人數也上升
而是香港這地方
愈來愈多人就是啦......

像被打一身似的從會展逃出來
便立即到poly排戲去
準時七點正到達
頂只來了三個人囉
早知唔駛咁急買野上巴士食啦......!!!

我媽和prisc都異口同聲說我瘦了
但若果唔計尋日根本無出街之外
我連續食左三日麥噹噹.................
因為只有佢先可以拎上車食或者一路行一路食
(雖然我都有買吉野家牛肉飯上巴士食既紀錄)
可能是因為上星期發燒的關係
估唔到病得咁曖昧都有好處
唉但我真的不想用健康來換那才瘦了一丁點啊

run thorugh過後往旺角的途上
ceci還有ayee小朋友說我們很像他們的大姐姐
每次的提點都讓溫暖窩進他們的心裏
事實的確如此
因為排戲過後由聽notes的時份
我又開始全身發燙
成為會行會走的超級大暖爐一只
到處把熱血感染人間..........................

看來八月中的請辭是事在必行的
再不歇一歇的話
恐怕我會連第一個sem也捱不過
到時繼闖王之後要大家永遠懷念的
便是我了




lee張相billy嬴晒!

休息日

難得有一日留響屋企休息
真爽
好彩無真係出去poly搵佢地............

全日其實都無咩做呀
就係訓到三點就係咁上網之後就睇下電視食下野而已

剛剛食左我家小弟同佢女友整果件cheesecake
哎呀整左咁多次
終於有d成績睇到
不過食左都唔係好大件之嘛
已經好漏
早知食兩啖就算啦........貪心既小朋友果然無好結果

聽日就要繼續衝啦
起碼完show之後先再會有假放囉

真的..........好想去玩..........................
不過我老細已經預告左俾我聽
我地將會有三份report要趕囉!!

呀忘了講
昨日收到drama school的reject letter
是但啦
俾我完成到一半願望已經好滿足喇


近日某xanga entry既comment........
我:
本人我就比較性感
感性都係留番俾第個啦
ayee:
當然！！！你係我識既朋友中感覺最性感既ｃａｎｃａｎ＞ｖ＜



文靜小朋友真可愛........!!

累到甩碌

今天晚上在公司的band show
迫使我今天要全日n/a無法去排戲
全日留守響office

wa我想講d人真係超癲
我已經係咁出去同d人講話唔該lift口唔好食煙
同埋佢d staff講可唔可以幫手叫d人一係落去食一係都響樓梯口先食
d煙味真係勁到抽筋
只要我一離開辦公室出去行個轉返黎
就會覺得連自己d皮膚都發出陣陣煙味

等到差不多12點個show終於完
wa簡直一片混亂
雖然佢地d人都有幫我掃過下個地
但只限大件垃圾例如水樽係掃走左囉
於是只大約1點開始本小姐就響其他人走晒之際開始掃地拖去倒垃圾
嘩今次我真係好用力去拖個地的
拖到我而家隻手臂同膊頭都好痛

搞到差不多三點先響公司走得.........唉

自從知道入到apa之後
忽然四圍多左好多師兄師姐
例如我老細同果個做light operate既女仔傾傾下計
我企左響隔黎
我老細又會無啦啦同佢講話:"呀佢入左apa喎"
很有"到處一家親"的感覺
於是我就係咁叫人:"知道師姐....係,師姐........師姐唔該唔好老點我呀師姐............."




lee兩日大家都無啦啦感性起黎 (雖然本人行既係性感路線)
哎呀你地咁樣我會唔捨得離開space的
只怪我地相逢恨晚
過幾個月大家一定要黎同我影畢業相呀!!!

但係點解難得我參與唔到食宵夜既環節
大家先會去沙爹王呢?

為你寫詩

今早打電話去預約做body check
一開口果句:"我係演藝學院學生, 想預約做body check..............."
雖然語氣極為平靜
事實上內心卻high爆得很........!!!
噢噢噢我第一次自稱自己係演藝學生啊.............. >o<

再次感激各方友好的祝賀
特別是有好些人真的陪我等了一年又一年
陪我望住前路茫茫
舊年更有人陪我連唱十小時的k來發洩
終於可以告訴他一年後的今天我終於成功了
我真的感動得想哭................嗚

雖然我不知道最後會不會因為甚麼暗病(啋!)
或者我根本唔知到咁樣走到入去到底係唔係一件好事
但我都真係好多謝所有替我開心既人!

今天跟阿企msn
她告訴我她姐知道我進了tea好驚訝
(唔知點解我經常響唔同場合竟都撞到她姐)
其實有lee個offer我想說我相信有好多人都好驚訝囉
包括我本人都好驚訝!
好想可以繼續同阿企做同學仔啊
好想可以再上佢屋企一齊做project, 食栗子大排檔同埋呱呱嘈

其實我係多麼想今日同andrea去書展........
但係奈何竟然淨係call第七場囉今日!!
唉唉唉真唔好彩

我可以提議完show慶功後直落唱k
唱到去食麥記早餐
要累到死先返屋企嗎?


今日拎返份medical report form出黎先睇到
原來tea學生要check既其中一樣係----畏高症!!!
喂點先叫畏高先??

我近日的生命之泉
一日要啪一支............


明明我係搞得自己一個靚樣先落去影證件相的..........


但為何影出黎既會係lee個傻樣?
邊個話快圖美影得好架?
乜我塊面有咁怪咩???

男子多進食黃豆製品或損生育能力

美國 一項研究發現，男士們多吃黃豆製品，內裏的植物雌激素可能會導致精子數量下降，從而損害他們的生育能力。然而，英國 一名專家強調，亞洲大部份男性即使進食大量黃豆食品，亦無生育問題。波士頓哈佛 公共衛生學院研究人員進行的研究顯示，黃豆食品和精子數量下降有關。每星期進食超過兩份黃豆食品的男性，相較從不吃黃豆食品者，每毫升的精液之中，少了四千一百萬條精子。　研究發現，從二ＯＯＯ年到二ＯＯ六年，針對九十九名男性進行的研究顯示，多吃黃豆類產品的男性，精子數量竟然大幅下降。
http://hk.news.yahoo.com/article/080724/3/7c93.html


都話飲豆漿會殺精架啦
以後邊位男生唔聽我勸告既話
我會------------------有得佢繼續飲.....!!!

笑話皇后

今日又又又返工
救命呀真係
我keep住好多日無停過喇真係
兩個老細聽朝終於返到香港
對我既工作量
其實絕對唔會係一件好事
就係我終於可以請假囉
病鬼左都要頂硬上返工真係好辛苦啊
(仲要公司得我一個人真係暴斃都無人知)
(啋!)

晚上排戲
run run run through
其實好矛盾
因為多數排戲後期都係要狂run的
之不過有d場口我除左run through之外
根本只排過一次!
而且我今次d台位同上次run果陣係一樣的
又話會話返俾我聽點改
最後又係無
但係怎麼今次無人話我錯......?

對話高瘋會變成了結束前的新政策宣佈大會
原本預左係mandy講完佢將會實行既新措施之後
就輪到我講笑話緩和氣氛
點知連mandy都未講野
我就要開始講笑話...............................=_="

不過咁樣講笑話都有人讚好睇
我諗我真係應該做返台前吧......?



睇完有位仁兄的xanga我真的想拍手叫好然後整篇copy過來
說得太中point了吧?
各方想幫我們解決溝通事宜的單位真的未免把事情想得太簡單
不過沒辦法啊
在有些人眼中我們只是一群幼稚的小子
我唯有繼續學習"由得佢"的想法吧

題外話一下
也看到有人覺得這是人生中做得最不高興的production
我是真心希望這樣已經是他一生中"最差"的那個
真的不要經歷像我之前那些要蹲在排戲室門口噱哭的日子啊
這不是有臉和好玩的事耶
而且慘極也還有一群好友分擔和一起吃宵夜
怨氣也頓時消了不少

補回昨晚的相片
我諗完show之後
我會好唔捨得你地的......
令我堅持下去的其中一個理由
就是我真的好想跟你們做齣好戲!









彷彿將　藏在下意識中黑盒揭起
鎖起的　舊愛記憶集體傾巢逃離
四百個你　八百個你
企滿行人路裡　步步露殺機
無謂太過　我欠你什麼這麼迫我
你不是那一天　已撇下我麼
還是我　被害後幻像太多

還是以前的事　不捨得的一個是我

小小的提示　亦會將你清楚記起
不小心　望見某君像你一堂濃眉
看進眼裡　也變作你
陳年舊戲幕幕又揭起

無謂太過　我欠你什麼苦苦追我
你不是那一天　已撇下我麼
還是我　極念舊　後患太多


唉
撞鬼

炎

救命
我想暈
通常響lee個時候我都會迫自己搵d值得欣賞既野出黎
話俾自己聽件事唔係咁差
之不過今次
我唯有話咁樣可以令演員們既unity更進一步

我家陣淨係知道兩件事
第一, 既然個結尾選擇留白
就預左故事既最後有上千項可能
作為演員同時作為觀眾
一個主旨這回事行不通吧?
況且, 所謂既共識
其實都係一d會大聲講野既人迫d唔識講野既人順佢地既意之嘛

第二件肩就係, 我條腰真係好痛

火火火

打下面果篇entry既時候
真係一路打一路嘔血
其實都幾唔抵
明明大家都係面向緊同一邊

有人話想激返起我d火出黎
咁我就會做得好喎?
哈我諗你一定係想激返起我鬧人既火出黎啦係咪?
你又知我好耐無鬧過人既?
其實我算係咁啦下話
我無盡力咩?我有架我盡晒架啦
我做唔黎係不能也非不為也
做到既都係得咁多架喇
唔滿意既我都真係無辦法

妖妖妖唔要再繼續講d激氣野呀
講返今日先
今日係中國農曆既大暑
全年最熱既一日真係好鬼熱!!
但係我都係要化行妝咁走出街
因為要影證件相 (早知尋日應該影埋...唉)
一落到街用我最快但又無咁快出汗既速度行去快圖美
影完即刻返屋企換番我新買條靚靚花花吊帶裙先出去!

不過中間其實我原本係打算去睇e生的
補充一下
平時我係輪開街症
因為唔駛錢
不過礙於輪街症lee個動作愈來愈麻煩
所以我都係打算去clinic睇
不過諗諗下
我而家既情況又唔係話發高燒果隻
總之就係曖曖昧昧
唔係無病但又唔係勁病咁
其實會唔會係我心理作用覺得自己病呢?
我有但係唔係成日都feel到自己唔係好妥
又幾易累咁
但係咁就要用百幾蚊黎睇個e生.....ummmmm
如果睇完之後發覺我其實無事.......咪好side錢!!
響我lee期咁窮既時候, 真係做咩都要諗清楚

結果
都係無睇到e生
就係入左去久違既tws圖書館度打個圈睇下今年既summer helper
就返屋企換衫去返工囉

晚上返到屋企
又覺得唔係好妥
結果
我媽都係決定聽朝幫我打電話約街症................

聽朝仲要早起呀
朝早要去交學費晏晝要返工晚上排戲
其實我覺得病得咁曖昧
應該係因為唔夠休息而起的.......................
但沒辦法啊
我而家仲可以做到d咩?

台台成大戲

頂
到底想點呢?
大家都係想做好個show o者
lee個時候大家都一定話自己係為左個show著想先咁咁咁

大佬呀
每一代都有自己既生存方式
點解一定要見到人地好似你地以前咁既款先係"有出息"?
點解唔俾人地有人地既生活風格?
你生存響係果一代既
你當然覺得你果一代既所有係最好架啦?
好一個generation gap

有時都覺得我坐響lee個位都唔錯
雙方基於先入為主當然唔會溝通得到啦
兩邊既戲我都有幸睇到
係有小部份我睇唔到o者, 其實我滿足架喇

講起第三邊又係搞笑
明明置身事外咪幾好囉
又專登跳埋落水
搞到咩都做唔黎之餘
仲要養大人地既嘴巴
得不償失吧?
咩演技都無用啦
反而畫蛇添足愈搞愈衰
"疑似地"玩手段都要知道自己有無把握
有無斤兩咁玩法先得架


戲裏戲外同樣吸引
所以請大家支持<<72a>>
2008年8月1號2號晚上
荃灣大會堂文娛廳
仲有大把飛, 歡迎慢慢搵我幫你mark
多謝各位

熱熱熱!!!

怎麼發燒三日還是不退燒的呀?!
明明天氣已經夠熱
仲嫌我唔夠熱嗎?

問題係我根本唔可以坐響屋企等退燒囉
工要返戲要排飯要食
聽日真係一定要去睇睇醫生....................
噢我仲要記得影埋證件相添呀

今日去左影annual performance用黎做場刊既相
希望影出黎既效果會okay啦
好耐無俾人影過相啦哈哈哈
真是久違的感覺耶

無啦啦打左電話俾mimi先知原來佢同mell出左旺角
見有時間又出埋去同佢地食tea
點知響朗豪坊又撞返岩岩講完拜拜既carlos!
勁爆笑呀咁都撞到!

跟mell和mimi短聚
竟然又走左去行旺中
救命真係多人到嘔
原本想去睇下既$20花花裙..........點知一d都睇唔上眼
果然20蚊就買到既野只有地布
但係我又唔想著條地布上身喎

結果買左另一條..........$125蚊既..................
好野終於買到花哩花碌裙囉!
我要用夏威夷花花轟炸TEA!!!

行完旺中出黎竟然撞到上次一齊in cx果個女仔!
拍我膊頭問我cx有無call返
其實我一開始都唔係好認得佢
不過拜拜完之後終於記返佢係坐我左手邊
interview果陣無化妝的 (反而今日去街又有化喎)
可能我今日又係立起晒個仲咁岩帶埋上次對耳環
(即係話成個頭根本同上次一樣!係無化眼影)佢先認得我

之後無啦啦又要返公司幫佢地安置d box囉!
點先係咪出返糧俾我先???

跟住出旺角食飯
其實我想講我地嘈到隔黎煲燶野果個女人係咁bear住我地囉
雖然又真係幾好笑!

返到屋企終於睇到衝上雲蕉
嗚好似vincent呢d又高大又靚仔又溫柔又浪漫又細心既好男人到底去邊度搵??
真係好催淚呀
今集差不多最尾響睡房果場戲真係令人睇到好心酸
"過埋今晚所有野都會唔同晒"
嗚嗚嗚我唔想咁樣發展呀
真係會谷眼淚架




其實我以前真係相信除左愛情之外
有d野都可以係一生一世的
上次有難,我第一個搵既係..........................

興奮到發燒

真是天下第一低能
話說昨天收信之後昂奮地講了一整天電話
晚上看batman的時候已經覺得有點不妥
今早起床便頭重重發燒了
而家又好想嘔但嘔唔出
嗚好辛苦啊

瘋掉了

oh my goddddddddd!!!!!
今朝收到信..........................
演藝學院收左我呀!!!!!!!!!!!!!!!!!!!!

今朝落街返工果陣收到信
見到個漲卜卜既演藝logo牛皮紙袋心諗唔係呀嘛.......
一路開一路手震
一開咦做乜係student invoice.....
果然係offer letter呀!!!! @o@

呆住咁行到出屋企前面個公園先識得回魂
其實我真係無諗過會讀到apa架!!!!
雖然係stage management
但係都好開心!!!
我真係估唔到我都有機會響演藝返學!!!!

雖然開始冷靜落黎之後都會諗下
嘩讀多四年喎
但係我都真係好想可以響theatre繼續玩落去!!!

嗚嗚嗚
諗左咁多年
終於俾我讀到演藝喇......................!!!

雖然我知道黎緊lee四年我將會捱得好辛苦(more than 09-23 ahhh....)
不過我會努力!!

我頭先收到信開始就四圍打電話同人報喜
講電話講到搭錯地鐵
原本我響旺角應該係搭荃灣方向返公司
但係點知我興趣到搭左去中環
仲要到成尖沙咀先知!
搞到兜左成大個圈先返到.............
好多謝各方好友對我既祝賀同支持啊

仲有希望我順利過到body check!!
唔好有咩暗病啦.....

雖然我入到既係係沉實既一科
(佢地係歧視粉紅色的.........)
但係我會繼續以shocking pink轟炸TEA!!!!!

即係話
黎緊既annual performance好可能係我最後一次響台上面以performer閎身份演出
所以我會好珍惜今次臨別秋波既一次!!

近排我都頭頭碰著黑
可能我半年既運氣都傾注晒響今次都唔定.........
又或者佢今年都真係收唔少人
foundation加到有十幾個位
degree又加多幾個咁
加加埋埋都係四十幾個candidates入面揀成二十個先收得中我都未定

不過lee個offer真係殺我一個"燥"手不及
咁樣就定左我未來四年既去向啦
同我之前既planning唔同晒
仲諗住學蘇玉華咁飛番兩年再考drama school
而家要再從詳計議........
(拿我又無講過話我唔會再去做空姐呀下)

anyway我唔駛讀cidp啦啦啦啦啦
終於可以響太空著陸返黎地球!!!

救命啊

想暈啦我
我真係開心到痴左線

ap 1st run through

今日ap第一次run through
情況嘛........其實我真係覺得大家都盡左力
(okay okay...係我未盡力背好lines......
雖然我不嬲都係final rehearsal仲要人提lines果堆.....)
有d人或者覺得我地做演員既態度好差
不過以我lee個位置所見, 所知既角度黎睇
能夠做得到咁樣, 已經算唔錯

有時又覺得一隻手拍唔響既
當大定認為導演講野無point, 淨係識講"錯晒"同埋"唔夠"lee四個字
態度又唔好
做演員既仍然會圍埋一齊諗到底改變d咩或者加d咩先可以救到個production既時候
我覺得已經算係咁

全世界都知drama係一件team work
合作係好緊要, 我地已經盡量配合
之不過
你個腦入面真係諗清楚要我地做d咩出黎俾你睇未?

lee個ap係我響drmsoc臨別秋波之作
我信咁多位一定會同我一齊再盡力做到最好!!

lee張劇照勁有動感! (wakaka high到連打底條褲都走埋出黎勁樣衰!)
lee堆人真係似響同一家公司做野嗎...?
我同奧雲lee張相都幾型!不過我終於明白點解steve睇到lee場會諗起舊年個fp啦哈哈哈
backstage with carlos
咪就係性感女教師之嘛!
夜宵@仙桃園
仙桃園已經變成我地既canteen......


哎呀呀呀
死喇我好似又回復孕婦般既身形......
難度我又要開始戒飲凍野同埋飯盒食一半既痛苦生活了嗎.....?=_="
但係而家係夏天喎......eeeee >_<

身外物

前幾天才剛看完梁芷珊那篇"居安思危"
才剛想起我的電腦一直也沒有backup的時候
平時用開的腦大爺唔知壞了定中了毒
今朝已經開唔到機

剛剛下班回家, 我爸換上備用的另一台
打算把慣用那台拿去修理
可是修理這回事
好彩的話可以完整無缺的回來
唔好彩的話也有機會要所有files給delete掉才弄得好
如果今次屬後者的話
星馬遊的相片, 還有舊年ap, aida, media production workshop等等的也會全部給洗掉了

不過再想一下
其實也沒大不了吧
正如先前去旅行執行李時想到的
只要有錢, 有passport
其他都屬身外物
附近缺少了一個人也死不了
少了一堆相片, 或者可以更灑脫吧



我今天連續把兩包muji的白朱古力士多啤梨吃進肚裏去
怎麼樣?
心情不好的人是大晒的!!

北上東門之旅

今日西武之友既聚會係北上東門!
足足等左成大半年
先等到crystal返番katy又放假我又忽然唔駛返工!

其實今日都無話做過d咩
係飲左茶
行過下d商場仔
整左指甲
睇左相!!(估唔到北上都要睇相........50蚊都係講果d野啦
又係果d唔駛擔心咩都有果d囉
個吹水佬背晒詩咁仲屈crystal俾錢勁賤!!
不過佢話我黎緊幾個月仲會有爛桃花喎!
我頂丫之前果件爛到爆粗仲爛唔夠係咪玩我呀師傅?!)
之後又係去食海鮮
搞到最尾5分鐘先響羅湖"衝關"

三個女人一個墟
同佢兩個出街一定係由朝笑到晚
雖然今次專登預左全日上去
但係都好似唔多夠喉!
台北屈蛇計劃絕對行得通喎

熱切期待下次聚會呀!
勁想八月完左show之後去整gel nail!
我要整到勁花俏勁花俏勁花俏貼晒石果d!!!!!


今天修的指甲
勁有summer feel!見到都想即刻去海灘!


補回早幾天響three sixty買既晚餐
個三文魚卷仲大過我個口!!

週一熱情推介

(又係)椎名林檎 -- 歌舞伎町の女王

段片一開始果陣有一小段法文歌, 個台又黑晒

係會悶少少, 但係都請堅持多一陣!!

等到大約1:15果陣就會見到佢同埋拉住小提琴既齊藤貓出黎

然後1:29個stage就會光晒!!

有陣時如果你嫌響個台上齋企咁唱歌會悶左d(雖然唔會有d咁既事發生)

又可以睇下後面果位齊藤貓做指揮都幾好睇

睇完晒成段片之後

你就會明白咩叫"聲色藝俱全"!

bewitched on beach

雖然今日天氣一般
但都無損我地"向海灘出發"既興致!

下午返左公司接應響波蘭返香港既乃妤
佢要返台灣喇
有d唔捨得佢耶

入到石澳都成差不多7點
其他人都食到一半
之後知道我肚餓
變成大家都燒野俾我食......
真係多謝咁多位好姊妹既照顧
但係我真係飽到嘔................................

bbq之後出左沙灘影相
跑來跑去跳來跳去
我諗都消耗到食左果d野掛

喂快d send返d相俾我!!!!

剛剛睇到mathew既xanga
嘩嘩嘩嘩嘩原來果個show有成二萬蚊paid架?!?!
早知我都去cast下啦!!!eeeeeee
仲以為佢想要professional actors添!
如果我淨係做chorus都唔介意架...........
不過mathew個外型的確好有character
只要撞得正機會
佢都應該可以有幾大發揮的
要加油呀!

昨夜跟阿企講電話
喂我地個blind alley飯局到底去左邊?!

話說前兩日ayee小妹生日......
ｍｉsｓＣaＮｄｙｌaｕ 說:
哈皮芭芙地呀!!
ａｙｅｅ＊ｍａｎ 說:
多謝ｃａｎｃａｎ＞ｖ＜
ｍｉsｓＣaＮｄｙｌaｕ 說:
candy姐姐祝你愈來愈文靜!!
ａｙｅｅ＊ｍａｎ 說:
我會努力變得更文靜架ＸＤ
ｍｉsｓＣaＮｄｙｌaｕ 說:
咁就抵錫

求晴舞

結果今朝都係天公不造美
我仲見證埋出紅色暴雨警告
drmsoc果邊行程取消囉
希望聽日7a1 gathering會好天啦!
雖然一定會去
但係我都想同陽光玩下遊戲啊

今日好趕地返到公司
先知原來早左成半個鐘返到去

難得星期六晚唔駛響公司
一於要出去走動下!!

為左張羅梁咪咪小姐既生日禮物
特意出左cwb
行左幾個shopping mall
都係無收鑊....ummmmmm

聽日全日都係7a1 gathering
中午去石澳beach party同咪咪慶祝生日
晚上呢
收到消息話要同k仔晚飯farewell
msn問晒lee個去唔去果個去唔去講左數十萬次仲要問邊個去幾點邊度等
搞左一大輪約晒時間約晒地點就打算去訓

之但係!!
好彩我同catherine核實一下
原來k仔之前受左傷
根本就出唔到街囉!!!

嘩好恐怖
咁到底係邊個話聽日要同k仔farewell架呢?
k仔聽日根本就唔會出現.........!!

到底係邊個約人約到亂晒大籠呀?!?!

請給我兩磅陽光

嘩啊好大雨呀家陣
根據前幾日既經驗, 之前果晚落得愈大雨
第二日就會愈好天

今日相約小manman和ceci到會展時裝展混吉去
走在灣仔的橋上
才驚覺好像好久沒出港島了吧

呀又不盡是混吉
因為小manman有所斬獲, 買了一個不錯看的粉紅色小袋子
(其實那袋子有一點點點貴......half price都仲要$300.......
不過千金難買心頭好嘛)

離開會展後搭小輪出尖沙咀吃東西去
真懷念灣景的生活啊
可惜由明年開始灣景centre要摺了

席間提到有人的表妹認為OL這種生物總是優優雅雅衣著光鮮出入冷氣辦公室
可是我絕對是個活生生的人版在推翻這個印象
記得form 7那年暑假我當了三個月的OL,
(在office裏工作的lady都統稱叫OL對不對)
在某大銀行的旺角分行上班
我每朝早老是十萬火急裙拉褲甩
在大匯豐門前那大直路
踢著那對爛鬼紅色高跟鞋拿著袋子高速直衝回公司
那office的冷氣老是壞掉
天花遇著大雨老是漏水
到底這樣子的OL何來高雅大方可言呢?=_="
那表妹看電視太多了吧......

原本打算去吃金水半價壽司的
(這陣子我忽然好想吃三文魚)
可是門口超級炎熱之餘馬路上的大貨車又噴著廢氣
便走回habour city吃和花亭
點知去到才知原來只有七折沒有半價
哎呀是但啦我已餓得快死

勁忍手的吃, 卻已經吃了九十多塊錢
嘩完全不夠喉不痛快囉......!!!

LCX樓下的展銷會好多人
對啊今天是第一天開賣埃瘋!
可是有人計過數加埋月費呀甚麼的
這埃瘋一共要港紙七千多!
"us$199"果然是用來騙小孩的技倆

徒步走到elements
目標其實是h&m和zara
但到最後卻在three sixy跌錢了
嘩那三文魚沙律卷比我的口還大耶
才不到五十塊錢!
比那撞鬼的"x花亭"抵食多了
於是那盒便成了我的晚餐

搭地鐵的時候
ceci竟然巧遇她媽媽
為何可以撞正搭著同一班車仲要同一卡同一度門呢?
這兩母女還真有緣嘛

今晚是martha graham technique的最後一課
楊老師過幾天便要回台灣了
下星期我終於可以重見天日上中午的班
還有開口埋口說的都是廣東話了
真好
我覺得先前頹廢的生活跟我只在黑夜出沒的習性有關
我每天都是見到陽光便睡覺
等到陽光差不多沒有的時候才起床
大概沒甚麼跟太陽玩過遊戲, 人也會變得更灰吧
幸好下星期我終於是要趕回香港時候
跟英國說拜拜
也就是對頹廢說拜拜啦

明天後天也要好天氣呀!
但是幹嘛兩堆人同時都約我到石澳bbq去呢?
又偏偏不是同一日卻是相鄰的星期六日喎
同一個地點已經是搞笑
更要同是bbq
喂大家還嫌早前經常用薯片裹腹的我不夠熱氣嗎?

更重要的是
麻煩m小姐暫且繼續不要來
不過數數日子
又的確遲了好多啦喎.............ummmmmm

不拖不欠

把那msg deleted後
當我忙著把眼淚趕回去時
我也明白到那本字典對他來說
應該再沒任何存在意義吧
好吧那便歸我算了
被遺棄的應該待在一起相親相愛
誰要考translate需要字典的話請揚聲!

這一個月
過得還真快




今天晚上放工後
真的好．肚．餓
誰說一個人不方便掃街?

旺角的夜晚可是很危險的耶
原本打算吃一串沙爹四寶丸使收手了
點知行經八爪魚丸店子又很掛念他們的雞蛋沙律於是便買了四粒來吃吃
呀不如去登打士街睇下有無咩好食
點知又被那間冬甩吸引了過去
真的好久沒吃過冬甩啦
(哎說起這個真的好後悔在malaysia的時候沒試試那間"鄧肯冬甩"[Duncan Doughnut])
來呀一起唱: 冬甩個爸爸~冬甩個爸爸~~~~

仍然未夠喉
(又)走到麥記買了黑椒漢堡細薯條還有古古力新地上小巴食

我都覺得今日食得比較痴線
一於化悲憤為食量
把一切不快吃進肚裏去
明早起床又是一條好漢

回到家
我媽又著我喝躺在雪櫃好幾天的冬瓜甚麼水
可以去濕清熱氣減肥去水腫云云
乜得咩都關減肥事.....?! =_="

西武之友齊腳聚會

嗚嘩~~~~~~~~~~~~~~
岩岩先睇到原來我3月1號寫有關西遊記之紅孩兒果篇entry
有人留左個言:


AhWong said...
您提及的Daniel哥哥將於6月27-28日作精彩演出, 您記得同朋友一齊黎支持呀!
楊春江六月獻上最「身」舞蹈作品《靈丹》


噢噢噢
竟然會有人search到我lee個blog......!!!
哎呀我無心打daniel哥哥個名出黎架
唔通係舞界既人.......???
只可惜果兩日
我正響沙田大會堂同佢搶緊客仔
唔好意思呀daniel哥哥



今日半步沒踏進harbour city
卻行盡成條廣東道兩旁既名店
來回coach三數次
最後響gucci降落
miss katy同miss crystal都有所斬獲
我嗎?
看中的仍然是chanel.........
怎麼啦?
lee個price, 真係夠我去多次旅行......=_="

lv勁似有錢派咁
爆爆爆多人!! (如果要排隊既話一定唔會入囉)

其實miumiu果個都唔錯呀
但係始終唔係我想要既style......

今天的聚會真高興
熱切期待已經等左半年既"再闖東門之旅"!!

晚上
兩屆莊主首次碰面

哎呀
我支莊就交俾你兩個喇
記得要相親相愛
將drmsoc既熱血精神延續落去!!

呀忽然諗起
我上兩星期d groupmate
好似係lee兩日second in
唔知佢地點呢?


oh my god!
50字bios.......?!?!?!?!
點寫呀???

銀包銀包銀包

最近有d想換新銀包
我手上用緊果個白色patrick cox
即使完全唔夾我style
假假地都用左四年
其實都.......係時候換番個岩我多d架喇

but!
銀包lee樣野係好難睇得岩的
而且根據我既購物態度
唔係最鍾意既唔會買
更何況係咁大budget既野?
當然
我對蔡氏伉儷既LV零興趣(我lee個二奶唔見得光架嘛!要用情侶野都唔可以用得咁明顯)
我心入面最鍾意既........始終係chanel
之不過
lee個價錢
夠我去多次旅行有突啦..........
今次真係無辦法唔退而求其次

剛剛上yahoo拍賣
係咁咦click落去而家chanel有咩款睇下
(睇~~~下~~~o者~~~)
點知......我發覺根本就唔會有人賣正版chanel銀包囉!

search到lee個
黑色皮+白色logo+shocking pink仲要係長型........!!


直情係我既dream wallet!!!
可惜丫
只賣$350
到底專門店賣緊果款係唔係咁樣架呢?



而lee個呢
果個人就claim話係真野
可信程度真係見人見智囉




chanel黑色皮+白色logo+shocking pink長型銀包呀
你可唔可以唔好咁快停產呢?
等我有能力買八千蚊一個wallet果陣
唔該專門店要仲有貨耶!!

行雷又閃電

明明諗住應該唔會落雨掛
點知到夜晚返完工/排完戲之後
都係有咁大就落咁大雨

今日終於去到rehearsal啦
去到個個都話好耐無見我......=_="

排戲後去宵夜
其實......我feel到自己肥左囉...............
但係肚餓唔通唔食?

哎喲
真期待聽日跟"西武之友"katy同crystal既聚會!

repetto的鞋子

真係靚到死

七月七日長生殿

reply prisc,
再強調一次
我無醉!!!
這回事絕對不是一個騙局!!
我好清醒架!
果晚做過d咩我到而家仲記得, 唔會出現d時序錯亂或者間隔失憶既情況!!
不過飲左酒又真係幾好訓既哈哈哈
你無得再幫我吸塵洗廁所一定好唔慣啦



見到lee個title
就諗起form 1果年我校曾有一股很瘋癲的潮流
就係背"長恨歌"!
"嚴重失憶健忘症"患者如我
也曾有懂背三份一首的紀錄
我又真係有識得既同學可以將整首背下來喎
而家諗番起果陣真係無憂得有d無聊

今日返到公司先知
原來尋日差d闖下大禍.........@_@

出左成個7月既schedule
我差不多日日都要返工
嗚呃人既.......
又話唔係日日要人地返
一個星期都係得一日唔駛返去.............
不過好彩多數都唔係番夜晚喎!!
好野!
我終於可以約人夜晚去玩喇!!!!!!!!!!!
快d約我去港晶neway唱k食buffet啦!!!

喂呀阮兆烽呀
我真係好支持你accept果件事喎
一世人兩兄弟, i really really proud of you ga
一年之後既野一年之後先算啦好無
我怕你之後會後悔miss左lee個咁難得既chance!!

失驚無神響新都會廣場出現左件咁既野

我呆左一呆
先見到有舊咁既野出現左

我到而家都未睇到到底係咩function囉


返工前行經seven
$20買左lee set

買lee set野既原因
除左我媽月尾會同親戚去泰國之外
就係想睇番究竟我曾經去左d咩地方
真後悔當了八天的廢人
因為事前我完全無study過當地既資料
搞到一步都唔敢行開
無左隔黎果位仁兄既話我一定返唔到屋企
又唔知自己到底去左咩特色地方
雖然有人帶住去玩的確唔駛煩
但係下次去旅行都係靠自己好了

哎
cidp果邊
我都係唔想讀media & cultural studies啦
想轉去publishing, media & cultural studies (因為year3有科pr marketing!!)
難道我真係要同食死你亞做第五年同科同學......???

情 迷 Milano

超愛看這女生寫的東西喎
真係抵死得黎離奇
離奇得黎又窩心
我個個星期都追架wakakakakakakaka


《情 迷 Milano》
古 語 有 云 ： 「 三 人 行 ， 必 有 廢 人 焉 」 。 根 據 這 套 邏 輯 ， 三 個 人 去 旅 行 ， 一 個 負 責 看 地 圖 兼 任 攝 影 ， 一 個 負 責 打 點 團 友 需 要 兼 任 苦 力 ， 餘 下 的 一 個 ， 是 負 責 蹺 埋 對 手 等 食 等 影 相 的 廢 人 。 廢 人 是 我 ， 金 牌 組 合 ， 出 發 去 過 羅 馬 假 期 。
◎ 廢 人 在 旅 程 中 每 天 起 碼 20 次 高 唱 ： 「 愛 上 你 Milano/ 夢 在 浪 漫 街 道 / 啖著 Cappuccino/ 擁 抱 你 」 ， 令 團 友 惶 惶 不 可 終 日 。
◎ 團 友 的 明 信 片 內 容 如 下 ： 「 佛 羅 倫 斯 樣 樣 都 好 ， 就 係 間 hostel 唔 好 ， 冇 冷 氣 冇 風 扇 冇 電 梯 仲 有 蚊 o既 。 」 啊 ！ 意 大 利 的 蚊 香 ， 傳 統 圓 餅 那 種 ， 好 貴 。
◎ 每 朝 準 時 七 時 起 床 ， 不 用 校 鬧 鐘 的 ， Duomo 的 鐘 聲 較 其 建 築 更 宏 偉 。
◎ 意 大 利 的 警 察 ， 應 該 全 部 正 職 都 是 模 特 兒 。
◎ 廢 人 天 天 高 歌 《 情 迷 Milano 》 ， 念 力 之 強 ， 令 團 友 原 本 要 去 威 尼 斯 ， 卻 上 了 去 Milano 的 火 車 。
◎ 三 人 都 成 了 威 尼 斯 人 ， 發 夢 男 友 會 在 聖 馬 可 廣 場 求 婚 。
◎ 「 斜 塔 真 係 斜 喎 」 ， 廢 人 講 廢 話 。
◎ 回 程 時 多 了 四 個 Chanel 紙 盒 ， 明 顯 有 團 友 撞 鬼 。
◎ 回 hostel 時 遇 上 一 男 子 問 價 ， 做 出 「 3 」 的 手 勢 。 到 底 是 3 、 300 定 3000 歐 羅 ？ 如 果 3000 歐 羅 只 需 要 看 人 打 JJ ， 團 友 非 常 樂 意 。

=================================================================

《她 她 她》
三 個 相 識 多 年 的 女 孩 子 ， 終 於 有 機 會 她 她 她 旅 行 去 。 當 她 倆 睡 眼 惺 忪 打 著 呵 欠 在 我 的 酒 店 房 門 前 出 現 ， 那 感 覺 較 收 到 男 友 送 贈 的 鮮 花 和 鑽 石 ， 更 窩 心 。 1995 年 ， Ｋ 小 姐 和 我 都 是 初 中 生 ， 第 一 眼 看 到 這 大 眼 高 鼻 細 嘴 高 瘦 白 嫩 的 女 孩 子 ， 嘩 ！ 除 了 平 胸 ， 可 稱 完 美 了 。 十 多 年 過 去 ， 嗯 ， 她 依 舊 有 缺 憾 美 。 而 Ｃ 小 姐 呢 ？ 震 撼 的 一 幕 永 遠 記 得 ， Ｋ 推 門 進 她 的 房 間 打 招 呼 ， 我 驚 見 她 睡 在 堆 滿 從 乾 衣 機 拿 出 來 的 衣 服 的 床 上 ， 現 在 ， 那 堆 東 西 變 成 了 LV 。

女 孩 子 大 多 臉 皮 薄 小 心 眼 ， 如 對 對 方 的 品 味 行 徑 投 以 一 句 ： 「 好 醜 」 、 「 好 cheap 」 、 「 好 濫 」 和 「 好 蠢 」 ‥ ‥ ‥ 仍 未 絕 交 的 話 ， 應 該 是 一 世 的 朋 友 了 。 遊 過 鐵 塔 塞 納 河 聖 母 院 凡 爾 賽 宮 香 榭 麗 舍 大 道 羅 浮 宮 ， 吃 過 Laduree 的 Macaroon 、 PAUL 的 Canele 和 無 數 隻 熱 狗 ， 拍 下 許 多 照 片 ， 還 生 了 一 口 的 痱 滋 。 我 們 仨 都 幸 運 ， 學 生 年 代 的 友 誼 ， 沒 有 因 際 遇 不 同 分 道 揚 鑣 ， 尚 有 時 間 有 心 情 有 閒 錢 一 起 旅 行 。 甚 至 ， 有 能 力 每 人 置 一 隻 Chanel 手 袋 ， 為 紀 念 這 次 旅 行 （ 其 實 是 藉 口 ） 。 那 日 黃 昏 ， 窩 在 總 店 的 沙 發 上 ， 喝 店 員 送 上 的 飲 品 ， 等 待 他 們 將 手 袋 包 裝 妥 當 。 Ｋ 坐 在 對 面 的 沙 發 ， Ｃ 就 在 另 一 端 挑 選 手 錶 。 我 不 太 懂 得 去 形 容 ， 內 心 很 實 在 又 覺 溫 馨 。 三 十 年 後 ， 但 願 我 們 可 以 拿 著 手 袋 說 當 年 ， 不 過 Ｃ 那 隻 白 色 漆 皮 ， 大 抵 已 變 黃 了 。
http://petitelaine.blogspot.com/



又是託親愛的youtube的福
找來這首"情迷Milano"的mv
咦估唔到幾好聽喎真係

絕對是個騙局

兩日兩夜樟木頭渡假之旅
勁多難忘笑料
我地去得咁短時間
我唔明點解steve可以lor咁多次

棄車逃亡事件
其實幾刺激...哈哈哈
(架公車最尾都係無爆到炸, 梗係笑得出啦)
總之知道好似幾大wok, 大wok到要棄車果陣
我個腦淨係諗緊到底要幾多秒之內離開架車先會安全.........
無錯我即時聯想到飛機哈哈
馬路中心落車其實真係好危險
順手將prisc拉番埋黎, 估唔到佢當左我係救命恩人!
係呀我個人真係幾俾到人安全感
結婚啦我地不如

去後巷徒手拎冰
想像力未免太多既我們總覺得會有人唔知幾邊度衝出黎將我地捉走
過程真係好好笑 都要多得家駒個雪櫃壞左
好彩諗到一招"自製冰筒"
但係我地下次再上去之前麻煩可以整整個雪櫃先嘛?

為滿足yoshi要"get drunk"既願望
無啦啦我又勁俾面地飲埋一份
大家都飲醉, 得我一個最清醒!
你地都識話我都唔係飲左好多o者!
信我................我真係唔係因為飲酒而嘔的......................
係d可樂................真係好頂胃
豬骨煲.........又實在太好食

打wii mario kart
係咁衝落山....咁我真係少打機嘛
而唔係因為係我飲左酒囉!

開碟睇eason演唱會
d人首首都話"哎呀lee首我超鍾意.......!!"
仲話唔係飲醉?!

終於買左attention please
寂寞既半夜有世藝啦

其實我唔覺個trip好harsh喎
而且我響香港已經呆到頹晒
我今次係想去玩同埋去食
至於你地嚮往酒池肉林既糜爛生活
下次先啦都係
仲有仲有 下次再去既話
請大家出發之前
"抓緊時間"...!!
train up一下食量
唔好再要戰鬥力持續驚人既我獨食
"這絕對不是一個騙局"哦!

魚米之鄉
在超市扶靈........??
自製冰筒

果三籠流沙奶皇包還真搶foc
六千館
團體合照
誰是妹仔?

人來人往

朋友已走 剛升職的你舉杯到凌晨還未夠 用盡心機拉我手
纏在我頸背後 說你男友有事忙是借口 說到終於飲醉酒
情侶會走 剛失戀的你哭乾眼淚前來自首 寂寞因此牽我手
除下了他手信後 我已得到你沒有
但你我至少往後 成為了蜜友

閉起雙眼你最掛念誰 眼睛張開身邊竟是誰
感激車站裡 尚有月台能讓我們滿足到落淚
擁不擁有也會記住誰 快不快樂留在身體裡
愛若能夠永不失去 何以你今天竟想找尋伴侶

誰也會走 剛相戀的你先知我們原來未夠 借故鬆開我的手
藏在貼紙相背後 我這苦心開過沒有
但試過散心旅遊 如何答沒有

閉起雙眼我最掛念誰 眼睛張開身邊竟是誰
感激車站裡 尚有月台曾讓我們滿足到落淚
擁不擁有也會記住誰 快不快樂有天總過去
愛若為了永不失去 誰勉強娛樂過誰
愛若難以放進手裡 何不將這雙手放進心裡

時間會走 剛失戀的我開始與旁人攜著手 但甚麼可以擁有
纏在那頸背後 最美麗長髮未留在我手 我也開心飲過酒

黑夜公主

"日入而作, 日出而息"
係我近排放暑假以黎最貼切既寫照
咁搞法
人地唔知既話
仲以為我返既係咩工添呀

今日我竟然親手用illustrator整左份場刊出黎!

(雖然大多既工序都係copy and paste)

請為我完成lee個創舉而鼓掌!! (啪啪啪)

工作真係迫人用盡小聰明

今日我就用左好多白痴方法解決左好多野

我的老細們和air & breath ii的同仁後日就出發去波蘭做巡迴
嘩啊遙遠的波蘭啊
我也真的好想踏足地球既另一邊耶
到時我一定會好似阿邊個咁忍唔住要親吻歐洲既土地

我要七月尾先會再見到我d老細啦
請上天賜我無窮既運氣!!
拜託千祈唔好發生任何狀況外的事情................

終於搵得番我個超大粉紅蝴蝶結奶粉袋出黎!!
為聽日既旅程做好準備!



明明我平時好善忘
好快就會將所有野忘記得一乾二淨
點解今次我會記住咁耐架?
我個腦一定係出左問題

寧願自閉

其實我真係有鄭重地諗過今日好唔好跟佢地去海洋公園
唉
頹到個人呆晒
我諗我都係想自閉多一陣先

今日起身既目標又係返工
開完會
多野做到死啦
見到都想喊

有時真係灰灰地
平面設計lee回事, 我真係唔識的
photoshop我係入門BB級
illustrator我都係當photoshop咁用的
有時直接話俾人聽我唔識係一件好事
但硬係搞到好似我要推俾人地做咁樣
不過
短期內我真係無打算學illustrator喎

今個星期竟然排唔到一日戲
俾著我係導演
我一定會將lee位演員殺死

youtube精華分享(1)

來些youtube的影片分享吧!!

我都係早前先知原來日本係有拍真人版既美少女戰士
雖然d變身都係流流的
但係俾著我既話真係唔收錢都拍!
waaaa月菱鏡力量變身!!咁喎
幾多個細路女一日講不知幾多次然後忘我地轉圈呀?
真係我地果個generation既兒時夢想呀!
lee段係輯錄各人既變身片段
不過點解無我既夢中情人禮服檬面俠?



我仲搵到tvb版"美少女戰士"mv!即係有周慧敏果個!
youtube真犀利

即使我幾咁熱愛sailormoon
但係我既最愛始終係百變小櫻!!

而這個
都係真人版......不過係惡搞的
係season 1既opening
的確係好多年之前架啦段片
而家睇番都仲係咁好笑


嘩乜我睇得咁投入.......?
睇怕我都變左做干物女喇.......

七月來了

完全唔知發生緊咩事既六月終於過去
黎到七月
我俾自己既目標係要學習"唔好信人"
(來吧我們一起高唱"信自己"
仲要跳埋果隻舞唔該)
剛才告訴prisc我是獨行俠嘛
多年來都係咁架啦

新開始的七月
來換隻background music吧
(yooooooo
終於搞掂識得自動play了)

當你見到一個人
有一段時間都係懶得打扮就出街
即使行到入書局見到一大堆旅遊書都毫無反應既話
你就知道
佢應該真係幾頹

嗚嘩我好頹呀
我要去玩呀

日日都返工
即使唔返工,都要排戲
唔去排戲,都要去social (車!這是自找的)

每次行到落去
都係搭旺角小巴
因為要出旺角轉車返公司
嗚啊我多麼的希望我要上那架是出銅鑼灣的

唉我真的非常之頹
日日上網瘋狂吸收新資訊
忽然諗起上imc堂果陣dorothy講果d野添
其實我真的好喜歡上media的課呀
(講係咁講
事實上當時我差不多堂堂都遲半個鐘)
(是但啦咁科imc我又考得唔錯喎)

瘋狂吸收新資訊
也悶到四圍上人家的blog
哎呀我真的好頹
頹到連d恐怖人既恐怖blog都撈埋
真後悔
早知唔鬼睇啦我頂

你知唔知呀
我真係好鬼頹
頹到就快唔係變御宅族就變干物女啦
(哎呀但係我唔睇漫畫架喎點算
我係唔係會變四不像)
lee個幾星期我晚晚打開書櫃
翻睇以前買落果d書
有好些我睇到識背啦
真想快d到書展買一大堆新既番黎慢慢煲

說起書展
我今年一定要同andrea去得到!
我地舊年已經因為夾唔到時間去唔到架喇
今年一定一定要好似以前細個咁一齊去書展!!!

我真係好頹好頹好頹
剛剛又諗番起上星期個interview衰左
真唔gur
條氣仲未順
哼哼哼

其實又無咩所謂丫
我唔係打算繼續讀書架咩?
入唔入2nd in應該與我無關吧?
況且肥聰要來cidp耶
真高興
識左咁耐終於有機會來跟我做同學仔了啦!

忽然間好想跳舞
仲要係ballet
ummmmm
今舖死喇

air and breath ii香港版慶功

今晚air and breath ii香港版慶功
lee次唔係響公司食盆菜啦
而係上我老細位於元朗八鄉既屋企食飯!!

嘩我lee世女都未去過d咁入既地方架
仲要係八鄉! 聽個名都覺得遙遠..............

原本諗住早少少入去
但係起身果陣已經差不多三點
hea下搞下其他野, 連埋搭車
入到去都6點幾喇
6點幾入到去
我老細mandy已經響廚房大戰緊
隔一陣就拎一碟"食送"走出黎
d野係超好食!!
所以由我6點幾到達開始..........就一直不停口咁狂食食食食到八點幾
飽到飛起............!!


好彩我地問左victor
mandy係結婚果陣先開始識煮飯
如果唔係........我諗我地真係要檢討下........=_="

我老細間屋係一共三層村屋仔
地下廚房飯廳二樓房間三樓客廳還有天台
聽聞仲要係買唔係租既
而且裝修精緻
嘩啊有間咁既屋真係令人羨慕啊
係就係衰在如果無車真係好隔zip
同埋郊野地方會蟲蟲......

我親愛的superwoman老細--mandy!!
cindy, mandy, 乃妤, gun, 我
lee位同學真係勁低能.......仲要迫金大建教我地唱"三隻小熊"同埋跳果隻舞......... XD
金大建
wa lee位mandy同學高到爆囉
helen sung
乃妤