暑假尾聲

終於有時間打blog
仲有兩日就放完lee個比番學更忙既暑假
真係唔捨得啊

lee幾日不斷咁有apa既人add我facebook同msn
其實我都唔係個個記得到底係邊個黎.............

今日番apa oday
見番ocamp爸爸媽媽兄弟姊妹
同埋roomate仲有隔黎組既兄弟姊妹勁開心

快到眨下眼就過既開學ceremony
令人立即訓著覺既counsellor
d路九曲十三彎既地底同backstage

響library組織及成立"屈蛇團"
主要由TEA foundation學生組成
搞得成既話以後大家既0923將會比較好過
仲有定期舉辦既有益身心活動例如飲酒團, 邊爐團及麻雀團等等都令人期待

今年我會跟既第一個show係drama 1
希望唔會太tough.............

聽完lena講之後
我更加驚會升唔到degree
上唔到去既話我既人生一定就咁玩完....................

做完果個english placement test
excemption無望啦唉呀................. 囧
岩岩考完alevel既人應該會考得okay d.............

番到屋企附近去睇醫生
頂丫
醫生話我隻耳仔根本無事
係耳---屎---多---!!!
唔係掛???
於是我就用左百三蚊, 換黎兩支oliva oil黎滴耳仔............... omg 囧

尋日完全無起身既意欲
去完ocamp真係好累
於是原本我係要番2點的
點知最後成4點先番到公司 @_@
我lee個員工真係...........................................

一番就番到成1點先收工
d日常工作根本就積住左無人做嘛
好彩老細肯車我番屋企
不然車費真甘

早幾天的ocamp
快樂的三日兩夜
第一日番到去學跳camp舞
fing幾下已經跳到手痛
我果然無咩做運動........
city hunt的task唔難做
lup絲竹跑街(好彩唔駛我)周街問人野四圍抹窗
但係因颱風關係d ocamp tee遲左到
無一件ocamp tee響身真係唔多似樣

個campsite響大魚山
鄰近梅窩
好新, 都幾靚
d野都好好食
不過d房唔知點解勁潮濕
d枕頭同被全部都係濕的

第一晚的紮腳活動真係唔係路
玩緊果陣俾人拖住行真係生不如死呀............對腳腫晒極似行緊咩酷刑
d尼龍繩搞到我到而家兩隻腳既ankle都仲痛緊

第二日玩有口難言
出埋d唔知乜鬼俾隔黎組估
"祝英台喪搞茱麗葉"
"霹靂雲呢拿薯蓉蒸唐膝"
仲有一個我已經唔記得左既國家名
俾我都唔知點做出黎 XD

仲有採青
我地組有青后娘娘座陣!!

中午出海灘玩
超級興奮呀!!!!!!!!我終於有機會enjoy陽光與海灘啦!!!!!!

我今年都無落過水~~~~

長沙海灘超靚

夜晚既party
勁強呀我覺得...!!果然係apa人
可以搬幾支燈入去set個場
由好普通既活動室, 加d五顏六色既燈同埋flash
就變成超級high既party room!!

仲有d天才表演嘛
真係果然係"apa製作"
個個都好精彩好好睇
至於我果組"五個活塞的少年"
我實在好鍾意"塞塞通渠公司"lee個名
我都估唔到竟然係俾我果段"刀gur美人"搶晒foc
(我當然負責飾演美人)
應該好多人都估唔到果段係同我對手即興出黎吧?
大家都話我果段最好睇........真係多謝支持
估唔到阿kay會睇得到係mary出黎...............
明明mary係條死魚
點會叫得咁爽呢?

但係大家都遺忘左一個人
最talent既其實我個partner!!
個flow係佢諗架!
如果唔係佢帶住我都jam唔到d咁好睇既野出黎
嗚
下次再做戲都唔知幾時囉

更更更估唔到既係!!
我lee幾分鐘既放蕩竟然令我得到果個"美譽"..........!!!!
噢噢@_@
佢一路宣佈我一路都唔知原來佢講緊我!!
雖然係擺明玩野
不過份獎品我又好滿意喎!!
總之謝謝啦~~~~~ XD

第三日訓得果兩個幾三個鐘
一起身
周身都痛到爆.......
成個人完全零function
我完全明白果陣designer mandy形容佢自己"訓到一pat屎"既狀態..............

再去多次海灘
唔知點解d水比之前果日污糟....... 囧
浸響海水度真係好舒服啊

去梅窩搭船出中環
訓到唔識醒
一起身條船又唔穩好似飲醉酒咁
接住出左元朗(!!!) join "元朗一日遊"既朋友食"一番壽司"
就係傳說中勁大塊肉響壽司上面果間!!

真身果然真係超級大件
d壽司大到可以叫做飯團!! (可惜我地差不多食晒先睇到原來可以叫少飯)
係咁狂食仲叫埋野飲
一人都係$80有找!!! @_@

但係席間發現一個令人驚訝既消息
原來闖王,嘉霖同華田都係大過我既87人!!!!
闖王仲要叫我"candy妹妹"..........!!!!!!!!!!!!!!!!!!!!!!!!!!
oooooohh my gooddddddddd!!!
原來係咁架?!?!@_@

就係咁樣
勞累既幾天就完左囉
我好需要訓覺
但係我已經full晒schedule啦.......................

出ocamp啦

經過三日兩夜既勞動, 勞動, 再勞動 (.............???)
我而家既感覺好似俾人打左一身咁樣
累到跳海................... (仲跳?)
我已經無力執野
我咩都睇唔到咩都睇唔到咩都睇唔到咩都睇唔到咩都睇唔到....................

響ocamp度結識左唔少有趣既人
希望開學之後仍然會有機會見番lee佢地啦
至於詳細少少既ocamp日記
等我訓番個大覺起身先慢慢寫.............

響camp入面我淨係唯一用自己相機同阿企影左lee張相!!
可唔可以send番d相俾我呀唔該!!!


唉呀
再唔減肥既話
我唔會再夠膽打排球=_="

拜拜奧運

原本定於今日既"小新睇戲團"告吹了
(怎麼這兩次的活動都搞不成呀................??)
今日訓到成3點先起身
睇睇電視, 食下野, 上下網
然後落街買野

其實嘛.......洗澡之後我只懂得用大毛巾抹身
但是呢, 果陣我在吉之島買那條, 不是太巨型, 但也方便我抹身的大毛巾
在我上年去澳門的時候
因為順手放了在衣櫃裏忘了拿便沒了
而之前去旅行時帶去的的大可樂毛巾
太巨型不適合背去camp之餘
佢仲要是甩--色--的...!!!
事緣那次洗澡之後便順手把毛巾丟在床上
誰知我把毛巾拿起之後
床上竟有"一忽一忽"的黑色染了上去!!
唉
真是免得了都不再想用那條毛巾................
於是
便到街市買一條"正常"一點的
原來一條不太大也不太小的普通浴巾
也要二十塊啊
真的好貴..................
(如果我沒那麼手緊的話我一定會把百佳那條$50的鴨子大毛巾買走!!哼哼哼)


另外一項更重要的
是我的洗臉露用光了!!
甚至用那個"開心大發現"教的fingfingfing方法
也是一滴都擠不出來!! 囧
由於這個月太窮
原本其實有想試的品牌
還是下個月再買啦..........

我家樓下開了家莎莎
一大堆不同品牌卻又便宜的奇怪的東西
真的容易會令人培養出"選擇恐懼症"

左手邊的
是從云云品牌中選出來的"優勝者"
無他的
純粹是因為價錢reasonable
(雖然我的確很窮
但又不敢買$14.5就搞掂的"植物物語"..........)
萬寧也有這個在賣
應該會有點保證而已

右手邊的
wa犀利啦
是Kanebo的肌美精"高保濕滋潤防曬妝前底霜" (嘩好長的名字)
n咁多個功能合一的價錢只是$28!!!
其實我一直也想買防曬的東西, 而且我的妝前底霜也快用光了
見佢咁平
便買來試試吧
剛才塗了一點上手試一下
是半水半奶狀的
好用與否呢
便要等星期三出ocamp後再才能告訴大家囉
(噢
剛剛在yahoo拍賣看到這東西,在賣$50耶!!)

付錢的時候才想起show學生證有5% discount
雖然只平的一個幾毫
都好過無啦

晚上在家看奧運閉幕
時間真的過得好快啊
雖然沒開幕式的濃厚文化味道
但也是一個歡喜熱鬧的完滿句號
真希望四年後有機會到London去看奧運!!

昨晚收到apa su那邊send來的e-mail
告訴我們今次ocamp的sponsor是700ML的洗頭水同還有270ML護髮素...........!!!
(我組爸說好像是dove的)
嘩那太誇張了吧?! @_@
會不會是一組分一支呢....???

愛莫能助

結果
我今朝都係唔知醒(正確黎講係起唔到身)
原本約左10點
我成差不多一點先返到公司......!!!!
唉呀
鬼叫尋晚唔願訓覺
仲見證埋變3號波既時刻
但係我兩個老細見我咁遲先番
串都無串我一句............
我果然係名副其實既"呃錢admin"(art admin)............

1點開始打算把握分秒將功補過
快快手手完成個powerpoint
點知carlos先生先後兩次打電話黎
搞到我又先後兩次跌落"掛住吹水"既陷阱
雖然........suppose我今日係last day("suppose"而已.......)
但係.............我都唔知點解仍然咁串.............
坐響老細面前係咁講電話...............................

個talk.....其實應該係1930開始的
但係1935........我仍然響度執緊d動畫!!!
千辛萬苦8點左右完成個powerpoint
正打算燒碟之際
由於我又唔記得帶個腦番工而做左些少蠢事
竟然將公司部電腦跌入萬劫不復既境地!!
原本部腦大爺已經夠慢
響我restart之後竟然慢到咩都做唔到
無論我俾任何command都唔班我
連"我的電腦"都開唔到...........................
噢噢噢
我仲要將個powerpoint燒落手指度架
個talk已經delay左好耐啦啦啦
你俾我拎左個powerpoint出黎先啦好唔好???

好彩當時我公司的電腦技術supporter先生咁岩響度
幫我轉用"安全模式"解決左個問題!!
真係好彩有人幫到手...........如果唔係我攬住個mon尖叫都無用.............

原來24號係我老細生日
生日快樂呀victor!!又後生一年囉呵呵呵

由於尚未有人黎接我棒
我既"最後狂玩一星期"仍然要加入"返工"既環節
唉呀..........

talk之後一齊去左食飯
聽到果個"裝假腳背"的事件.......真係笑死我
有無搞錯..........竟然會有人"裝假腳背"..........???!!!

成2點幾先返到屋企
但係聽日無街去啊............
雖然錢係好寶貴
但我d假期仲寶貴耶!!
唯有留響屋企睇雜誌算了

嗚啊
chanel今季d化妝品好吸引!!
金色光影粉同金色指甲油都靚到死!!
但係我家陣真係好窮耶........................... 囧

ummmmm
見到果d激烈討論
我都唔知有d咩可以講.......
一路睇有關既blog入面d人留既comments, 個心一路好唔舒服
個key term仲要係"趕人走"
我已經係唔敢click去forum度睇其他人點樣講lee件事
因為我知道forum度d人講既野一定更加難聽
有點愛莫能助既感覺
但係由於絕大部份人都係先入為主
我睇lee場仗都會幾難打.........................


諗返起
我真係有好多識得既space同學仔都有local u offer囉!
我諗
我真係懶到出汁......!!!


近日loop住既mp3仍然係果日搵番出黎既"老歌"(?)
Speed既Precious Time實在太好聽啦
saxphone.................真係好sexy!!


話咁快聽日就係奧運閉幕典禮!!
其實我又唔係對運動有咁大興趣
我只係鍾意睇人表演
同埋鍾意睇d令人開心既消息o者
waa拎金牌喎
我lee世女都應該無可能會擁有一個金牌架喇



咦
究竟係邊個響google度search"goodmorningrabbit"呢......@_@???

九號波

估唔到今日唔止打八號
仲係難得一見既九號!!

原本尋晚老細話今日直接開車黎接我返公司開工的
但係end up變成今日休息一天
聽日一大早返去趕個powerpoint........

老實講
我寧願今日風大雨大咁返工
都好過聽日朝早返去趕趕趕

結果個placement test都係要postpone到29號
噢剛剛阿kay打電話黎
話要約29號晚ptm gathering!!
希望今次真係搞得成啦

頭先ocamp組爸終於打左電話黎
(噢噢我指我黎緊apa ocamp既組爸)
我竟然同佢吹左成20分鐘水................
希望個ocamp會好玩囉!!

返埋聽日工就開始我既"最後狂玩一星期"啦!!
我要玩玩玩玩玩!!!!!!!!!
玩埋黎緊個星期
可能就無架喇............嗚



或者我驀然回首　旅途愉快過就夠

ExperienCX 同樂日

唔係呀嘛
又打風???
但係我下星期要入ocamp喎!
我唔要又好似舊年咁要雨中奔跑玩hko呀..................


今朝又好早起左身
去搵fion!!

唉呀
估唔到我未同佢做到同事佢就要quit喇
響lee年幾入面
"搵日入機場搵你食飯丫"既約定仍未實現
唔緊要! 我做有kathy同維維仍然響cx做緊ground
要等我................入黎機場搵你地食左飯先好走呀!!!

估唔到佢做左ground咁耐

第二次見佢

已經係佢要quit既時候

咁耐以黎都無同佢影過一張in uniform既合照

難得佢今日返早

於是我就千里迢迢入cx city搵佢............食tea!!

以前成日都要響cx city出出入入

近年黎都好少入黎

上次六月果陣黎interview

今次黎係純粹耍樂................

原來開左個乜鬼野"experience cathay pacific"

白痴既人當然要入去無聊一番........

我覺得lee張影得我勁型!!!!!!!!!!!

(攝於機場巴士........

梗係搭長途巴士先得閒做d咁既野啦)

歡迎乘搭國泰航空
請問你要搭邊班航班呢?

CX725接線女郎

lee張相好好笑!

其實我扮緊前面d人......趕check-in
有無見到我拎住個行李呢?

點解後面架飛機影左出黎毫無立體感???
明明fion果張影得好靚......

果D一幢幢既

其實係"報紙"

咁我都承認........

我個人比較低能

不過最低能既係

明明今日活動既目標係同fion影一張in uniform既相

但係到我去左搭車先忽然諗起...........

我今日同fion淨係影左一張自拍既大頭相!!!

套制服嘛......

淨係影到少少領口..............=_="

過到東涌之後

繼續搵我需要既黑色波鞋

響citygate outlet兜左兩個圈

返工

響葵青劇院門口果間中菜館門口撞到肥聰!!!!!!@_@

噢噢噢

咁都俾到我地撞到!!

好明顯我既反應比肥聰快

因為我地係響個轉彎位撞到

我見到佢之後大約一秒就已經驚呼左一下

佢見到我呆左成兩秒先識俾反應!!!

wakakakakak

不過又真係幾搞笑

明明lee三年都幾乎無搞"如是我見"既gathering

但係我地仍然耐唔耐就見到面

我記得好似唔係第一次響街度撞到肥聰

對上一次係幾時響邊度呢.......???

同肥聰吹左陣水

勁啦人地而家!!!

唔駛入apa都撈得風山水起

晚上(又)追powerpoint

到底我求唔求聽日掛八號好呢?

ummmm

好唔開心呀聽日個party取消左

等我仲專登搵番套乜野出黎添

雖然好似好變態

但又好似好好玩咁喎!

遲d一定要補搞番呀................

wa果個facebook group

開左兩日就有成6千幾個member

真的不是蓋的喎........@_@

我半成年

今日一大早起床(11點喎!好早啦)
為的又係見ap友
去寶勒巷唱k lunch
有coupon, 每個人只係$31
仲平過出去食個飯!!

不過唱到4點幾要先行一步返公司
嘩嘩嘩今日真係超勁
有好幾個久仰大名既舞界人黎我公司rehearsal!!! @_@
搞到我點都要arrange自己今日返夜晚!!!

今日唱k既時候提起lee首有featuring kary既半成年
曾經我都好迷lee隻歌呀
其實都唔係"曾經"
直到而家
我響某forum既簽名檔
一直都係用緊lee首歌既歌詞
噢
實在太岩聽了

半成年rmx Shine (feat. kary)
RAP:你一句　我一句 我地鬥氣鬥到幾歲
我鐘意五歲　鐘意咬佢扭計有趣
唔識就扮熟　我等緊你Book　仲未過電先煲下粥
如果你不愛由得我自己去搵好節目
Ｋ房到紅館　螢光捧郁郁　
千嬅我扮得唔差　有眼淚　夠孤獨
唱落去有血有肉

他熟得快　爛得快　太快有結果了吧
他種瓜所以便有瓜
我卻想開花　只擔心青春未夠花
得一半熟嗎　仍然有一半未曾定形吧
仍留下許多可塑造性嗎
不管長幾高　有種激素　仍然在拒絕進化
越大越誇　成年永不會是成熟期吧
難得在這關卡對牛彈結他
未獲得掌聲怎可以回家
浪漫在我未看化

RAP:我時細　我時大　跳跳彈彈暢快
塊面放青瓜然後沖涼就要用奶奶
鮮花出街
今日密實　聽日露底　古今中外各種姿態
這個少女　世界認可少艾 有得曬時仲唔去曬
化個妝　小背心吊帶　襯番對紅波鞋
馬尾左搖又擺

他　又高貴　又優雅　卻欠缺了風格吧
統一標準要似他　我有反對吧
煎雙蛋必須熟透嗎　不可半熟嗎

得一半熟嗎　仍然有一半未曾定形吧
仍留下許多可塑造性嗎
不管長幾高　有種激素　仍然在拒絕進化
越大越誇　成年永不會是成熟期吧
難得在這關卡對牛彈結他
未獲得掌聲怎可以回家
浪漫在我未看化

誤撞誤打　成年了恐怕並無特權吧　
年輕沒規矩都會愛護有加
這身份有得拖嗎　成人就收足大細路半價　
誤撞誤打　頑皮也不過十年廿年吧
寧願像被扣分　身分證繼續查
而無需假裝正常人家　未任性過就老化


就係因為要搵lee隻歌
翻箱拎番以為燒左d碟出黎
搵番好多舊歌!
有speed啦(為左加入mp3即使有碟都要download埋mp3......oh my god!!"white love"既christmas version呀!!!)百變小櫻啦twins舊mv啦(其實我好鍾意千金),同埋當年因"公事"而需要狂煲既一大堆beyond(我果陣search得好辛苦既"dead romance i / ii"同埋"舊曆"呀.....)!!! 2R首"赤立角之戀"我果陣成日聽架!! the sound of music soundtrack都有, 仲有"廢柴"既魚蛋歌!!!

我果陣仲有download埋F4-Pepsi Blue Power concert言承旭同鄭秀文合唱"心肝命椗+月亮代表我的心"........我記得果陣覺得好好睇架喎.......但係岩岩睇番........到底好睇在哪裡呢...@_@????

嘩唔係講笑
i can fly果陣download既cx主題曲中英文version仲響度...???!!!

而家我就聽緊shine既"避雨"
噢
好青蔥既感覺啊!!

在演藝擁抱

因為一些很個人的原因
本人平時非常留意樂基兒的封面和廣告

最近樂基兒代言Neutrogena面膜組的電視廣告很得我心呢
每次電視播的時候我都會把雙眼放在電視上, 直到播完才繼續游走
即使平時沒怎麼使用Neutrogena產品的我
也有興趣試試看這個面膜組呢:P
(以上照片出自這裏)



今天較了鬧鐘
因為一大早便起床
0900要回新學校去辦registration耶

真的有好一段時間沒有只睡得5小時
而且還要這麼早出門
於是
電話鬧鐘響的時候
我是醒了
卻完全沒有起床的意欲
直至阿企打電話來劈頭便說: "喂仆街啦"
就知道我倆都遲了起床..................
明明早一晚夾定的起床時間是0730
收到阿企電話的時候已經是0750了...............

即使裙拉褲甩
也一定要化個全妝!!!
因為今天要拍學生證的相片
出門時間, 是0815.....................

好久沒在rush hour跟人迫地鐵啦!!
嘩朝早真係好恐怖
屋企樓下無論去邊度既小巴都超級多人排晒大隊
搭地鐵果陣簡直夾死我

在金鐘地鐵站跟阿企碰面
立即急急腳行過apa
我地終於等到"相約在演藝"lee一日喇!!! >v<

其實係register既時間係between 0900-1200
不過我地硬係覺得早d去會有著數
就晨早流流9點幾去到先算囉
好彩早一步去到

第一站係響校務處verify d certs
因為平均一個人都搞到幾耐既關係
我地去果陣無咩人
但係我地後面果d已經開始排到條龍出黎
簽左一堆form一堆名
簽收左一個膠套(到底用黎做咩架呢?) 俾
左兩張紙叫我地去整學生證同去tea office報到之後
就開始我地一個早上既迷宮之旅

第二站去lyric theatre既dressing room整學生證 我
想講影相果個人都幾hea
佢cut我張大頭相出黎key落張證果陣仲搞到勁歪
好彩果陣有個女仔話"咦歪左喎!"
果個人先整番好!!

我硬係覺得果部機無咩墨
總之張證就騎騎呢呢咁啦
唉呀
一個唔小心升到班既話.............張野仲要用4年添架............=_="

之後就上去3樓聽佢講reg科同時間表d野
兜左一大個圈先搵到個tea office
仲要寫埋個"professional name", 以後出場刊都係用果個名
雖然我都係留左全名落去
但係我有一刻衝動.........不如寫"CanCan Lau"落去...........
當然啦......我邊夠彊做d咁"名垂千古"既野丫..........................

再落返compu. lab做online reg科
終於遇到阿魚
waaa個system......都真係幾亂........
計來計去都唔知夠唔夠credit
d科又唔知響邊度search
原來唔係響自己個department度add要去人地度搵
搞到我一頭煙........叫晒救命
希望無整錯野啦................=_="

去返教務處門口報ocamp
好野仲有位!!!下星期去ocampppppp啦啦啦啦啦啦

搞左足足成朝!!
9點3去到 成12點幾先走!!!!
跟住過會展行美食博覽
自從幾年前跟daddy媽咪去發現無野睇之後
就一直無去過
今年阿企提議要去
咪去睇下囉

除左要兜九曲十三彎至入到去之外
果然係預計之內既昆水=_="
d野同街價相差唔遠
如果唔係大量入貨既話根本得個拎字
試食都有既
但係.........普通超市都有啦..........!!
所以都無咩收穫 淨係買左夾份三支荔枝玉露同楊枝金露食下..........



攝在益力多的檔子

出左會展之後
在灣景附近經過
忽然想起ptm的日子

搭叮叮過銅鑼灣
好久沒搭過電車了

在sogo的日本書店坐了一會
嘩真的累得很, 坐下了便不想起來.......

本想在log-on買上次在九龍塘見到的兔子folder
誰知沒有我想要的款式
唉呀

每隔幾天便要回apa一次弄東弄西
我的暑期就餘下這麼幾天了
很不捨得呢............
但真的是時候調整一下自己了
不然遲一下的09-23 call time怎麼辦???

我也要自己緊緊記得
我進去讀的
是backstage啊........................................

慳妹也要漂亮

(這是哪門子的標題啊...?? @_@)

而家為大家隆重介紹一下我當年(其實都只係舊年.........)既"爛面救星"
平時用開既Kose肌美精補濕面膜

一盒5塊
周圍都有既莎莎有售

lee隻mask係我用過眾多面膜之中功效最快最顯注既補濕paper mask
(well.......樽裝mask我用過最好既當然係laneign既water sleeping pack
果陣我臨on show果晚用
第二日化妝師幫我化妝前唔駛用額外既lotion,淨係上make up base就okay!)
我多數都係晚上臨訓之前fu的
雖然佢唔係sleeping mask..........但由於我經常fu fu下會訓著覺既關係..............
都係朝早先會拎走塊mask.................
用完之後一起身你會覺得成塊面唔同晒, 充晒電咁!! (其實當年fancl既充電面膜都好好用架)
上妝勁貼!!
點解我之前會介紹lee隻係我既"爛面救星"呢?
相信識得我一年以上既朋友都知道................
year 1聖誕節前後我竟然開始爛面, 罪魁禍首到而家仍未知道
總之就係成塊面出晒粒粒
平時我頂多都係額頭同鼻翼出d唔多顯眼的啊
但果陣竟然連面珠都出埋 (嗚...d印到而家有d都仲響度)
有一次我見到angie姐響日本買左lee個返黎
又係推介話係最好用既面膜
於是我上yahoo拍賣度search
呀又俾我見到有人賣喎, 所以買番盒番黎試下
用完第一塊之後
竟然有一半既粒粒唔見左!!
雖然我唔知到底係咩事搞到塊面咁敏感
不過水係能醫百病架嘛
佢既補濕效用係不容置疑的了

幾個月之後發現莎莎都有得賣啦!
咁就唔駛響yahoo買食水咁深囉
想rich d既, 可以買25ml美容液果種($53), 唔駛太rich就可以買上圖果隻20ml ($48)

因為聽日reg day要影學生證
剛好屋企d存貨又用晒
於是, 我慳左食一餐飯既錢黎買位mask!!!

頭先收工之後響旺角間莎莎買lee個
俾錢果陣竟然問我有無學生證
原來有學生證買野係有九五折架!!
(雖然九五折係少到飛起..............但好過無啦)

晏晝返公司之前去食野
天口熱果陣..........會想食d平時唔食開但又好無益既野
就係...................................回鍋肉公仔麵!!!
(我媽不嬲都極力反對我食lee d野, 於是由細到大我都無點食開)

記得上次響茶果嶺做公司戲棚個project
大熱天時既lunch time
(果日真係曬到痴線)
有位姐姐專登幫我行入村買我一碗回鍋肉公仔麵同大玻璃支裝可樂
雖然真係好熱
但係由於極肚餓
隔黎又有三位樂師哥哥係咁話我碗麵好香
真係人間美味啊.......!!!

今日又想食一下
於是就打算響我公司樓下間茶餐廳食碗麵先
點知
行到番公司樓下先發現............今日係星期日
間野唔開架...!!!
噢噢噢
無辦法唯有原路番過去葵涌廣場食

行到去睇到餐牌
wa一碗回鍋肉出前一丁要$25?!?!
咩世界呀???
我公司樓下明明凍飲加左兩蚊之後都係$22有埋凍奶茶
但係大家睇到回鍋肉出前一丁都要$25
其他野食都唔會平
唯有照食啦
加杯豆漿, 咁就30蚊........唉呀

今日響公司果幾個鐘
keep住係燒碟(一隻碟可以燒成粒鐘!)同打字
好悶啊好悶啊

昨日等mandy果陣買左本久違既jessica黎睇

ummm真係幾好睇

如果唔係咁窮
都唔會發現原來自己平時用開d野係咁貴
一支眼線筆原來要百多塊.........啊?

痴爸生日快樂

尋晚半夜終於睇到奧運開幕式精華
跳舞畫畫同埋造字果part都好impressive!
中國真係勝在夠人多

老實講
我好鍾意29個腳印果part
腦電腦做出黎到底有咩問題喎
d人硬係要搵d野黎插

而果兩個細路女
其實幕後代唱無問題丫
係mine嘴mine得誇張左d o者



今日晏晝返工
唉真係好悶

放工出旺角join ap友的聚會
痴爸生日快樂!!
好耐無打邊爐啦
又係坐番響上次果張"木台"

chiba張生日卡真係好搞笑
明明我有大把靚相架喎!
點解要揀我lee張呢?
而且我真係無印象影過一張咁誘人既相......???
等我搵番d facebook album出黎睇下先

原來佢地今日出黎旺角食飯去左harbour city睇日落
噢噢如此浪漫既活動竟然無我份
唉呀
(竟然連我都浪漫起來了.....???@_@)

今日大家都好似好無食神............
先有味道奇怪既栗子蛋糕
再有無人鍾意食既雞仔餅...............

下場係去左金雞廣場打兩舖機
就散場囉

約左慈雲山鄰村居民mandy半夜響麥記交收公司單據
住響附近真方便啊

聽日仲要返工
唉

幸運小公主

最近大家都熱於blog"晒命"
鄰國的辛尼王子更把我貼在樓下entry的"飛黃騰達心靈開運占卜"玩了一遍
然後把他的"鑽石命"算命結果貼在xanga
怎麼只有在這些時候才專稱本宮為"親愛的小cancan".............???
哼哼哼

兩天沒打blog
生活其實也差不多

早兩天跟mimi吃午飯, 然後上班
昨天下午上班, 然後回家

今日出金鐘
終於搞掂期待已久(???)既body check
上到去先知原來係一間好大既醫療中心
body check成個過程好似逐個check point去一趟咁
其實都係check d好普通既野啦
無咩特別的
最新奇的, 恐怕是抽血和照肺吧
照肺果個人講野語氣好搞笑
搞到佢叫我吸大啖氣然後忍住度氣果陣
我都係忍唔住噴左d氣出黎

希望我無d咩暗病啦
阿門

body check完之後見仲有少少時間
又好掛住上次試果隻agent provocateur香水
於是過pacific place打算行下lane crawford

行到落lane crawford化妝品部
竟然撞見carlos!!
噢噢
原來佢成個月都只係得今日響pacific place返工
自從無做西武之後我都係好日都唔出金鐘一次
今日響海富中心body check完都只係咁岩身痕行過去pacific place兜下而已
咁都俾我地撞到啊 @_@
真係超級有緣!!

原來佢個counter真係無咩人的
於是..............我地兩個企左響度吹左成個鐘頭水.............
期間我真係一個客都見唔到有囉............

連續吹水一個鐘之後
我繼續前進去搵我既香水
點知原來俾carlos昆了
香水counter根本唔響佢指果邊囉!!
明明只係得男裝同波鞋!!

lee個時候我忽然諗起............agent provocateur香水..............
應該唔係擺響香水堆入面
而係響佢自己counter度的
不過咁岩果陣老細急call
於是無返轉頭找carlos晦氣就急住返公司囉

之後聽carlos講返
我同佢吹水果陣超級清閒
但係我走左之後
有個大陸客走去佢地counter度
每種product都要一支買左萬幾銀一共44個items!!!
嘩嘩嘩真係好誇張.......!!

肯定係因為我黎過
將幸運既星塵留低左響佢地個檔口度啦!!!
我果然係會帶俾人幸運既幸運女神!!
我記得果陣form 6 & 7打班際既時候
只要有我響現場觀戰
我地班就一定嬴!!!
yoyoyo~~~
黎啦黎啦
call me 幸運小公主 pleaseeeeeeeeee!!!!


但係明明我lee個星期都好黑仔
做咩我會俾晒d luck人地架.............???

松樹命的人

從regina那裡看到這個test, 上網search左黎做
又真係幾準喎.......@_@
都話我天生辛苦命架啦!!明明人地就好想做花瓶.............嗚

性別: 女 生辰:1987年12月1日 10:30

　

您是屬於松樹命

◎您是棟樑的松樹，要經過年輕時辛苦的磨鍊(都話我天生辛苦命!!!)，才會出人頭地。心性仁慈，喜歡有禮貌，有魄力的人。個性獨立自主，積極進取，希望往上爬，沒有依賴心，不喜歡搞小圈圈，有點排他性。◎

根據命理來分析您的個性，潛意識，以及行為模式，您是屬於「松樹命」，因此您天生具有松樹的特質，森林中的松樹，不像灌木一樣群聚在一起，而喜歡獨立生長，越長越高，而且每一株都有不同的形狀，能遮蔭納涼。因此您像松樹一樣，擇善固執，獨立自主，希望往上爬，不喜歡被埋沒，沒有依賴心，但有排他性，不容易讓別人輕易了解您，也不喜歡搞小團體，習慣於固定的生活模式，不容易適應變動的環境，有自己的想法，能勇於做自已，有強烈的主觀，敢於自我表達，能承擔責任，照顧弱小。您的心腸很軟，富有同情心，很容易受到感動。

此外，您喜歡彬彬有禮的人，不喜歡耍小聰明的人，而能夠讓您佩服的人，多半是有義氣，志氣與霸氣的人。您的一生，像松樹一樣，會經歷春夏秋冬，雖然在寒冬會面臨許多考驗，但是每當通過考驗，您的命運就會更上一層樓。最好的松樹命，就是棟樑之材，但是要當棟樑之材，必須要經過雕琢的磨練。您的潛能非常高，發展沒有局限，只要您經得起外在的考驗，不怨天尤人，進而學習成長，一旦通過考驗，您的成就將不可限量，是領袖級的人物 (真的嗎?但係唔駛真係俾咁多考驗我下話?唉...)。

◎您本命五行木太旺，肝膽機能比較弱，容易肝火旺盛，要注意膽固醇，三酸甘油酯的問題。◎

根據命理分析，您天生肝膽功能比較差，在年輕的時候不會有太大的問題，頂多是肝火旺盛，長青春痘，容易煩躁等問題，但是如果您現在不照顧肝膽功能，隨著年紀越來越大就很容易有膽固醇過高或三酸甘油酯過高的問題，甚至容易導致免疫功能衰退、肝功能異常、脂肪肝、肝硬化、膽結石、膽囊息肉、青光眼、白內障或視力病變等問題。因此您不能過度勞累，而且千萬不能喝酒，要維持正常作息，早睡早起，才可以保護先天比較弱的肝膽功能。

此外，所謂「病從口入」，人類大部分的疾病來源都跟飲食有關，根據中醫理論，食物可以分成金、木、水、火、土等五種五行。您可能偏好吃酸的東西，像是泰國料理，或是酸辣湯等，應該都符合您的口味。因此，您的細胞中，充滿太多「木」的五行，會導致健康，財運與事業的不圓滿，建議您平時最好能飲食均衡，菜色均衡，則陰陽五行調和，生活美滿幸福。

◎但是您八字缺土，胃腸的機能也比較弱，容易有腹脹，腹痛，腹瀉，消化吸收的問題。◎

根據命理分析，您天生胃腸功能比較弱，在年輕的時候不會有太大的問題，等多是腸胃不適、胃酸過多、脹氣、腹瀉、腹痛等問題，但隨著年紀越來越大，胃腸功能需要更多的照顧，不然很容易導致消化系統病變，例如食道炎，胃炎、胃潰瘍、腸炎、大腸息肉、痔瘡、糖尿病等問題。因此您不能過度勞累，要調適壓力，維持正常作息，早睡早起，三餐要定時定量，不能喝酒，少吃刺激性飲食，才可以保護先天比較弱的胃腸功能。

此外，您是屬於容易緊張的類型，生活也比較缺乏規律性，因此三餐常不定時不定量，甚至因長時間工作而來不及用餐，導致胃腸的消化吸收功能受損。如果您想改變這種現象，一定要三餐定時定量，不可暴飲暴食。身體要放輕鬆，精神要保持愉快，不要給自己過多的壓力。只要您每天保持好心情，那您的命運將會有很大的改變，身體健康，財運順利，事業圓滿，家庭幸福。

◎簡易愛情分析，您會有一個條件好的先生。您的愛情稱得上是兩情相悅，而且他不是大男人主義者，凡事都很尊重您。您們的交往，不僅有愛情美好的一面，也兼顧到愛情現實的問題。◎

您愛情的模式，根據命理分析，您對於心儀的異性，很容易心動，但對方常常沒有行動，您也不好意思倒過來追求，所以常常無疾而終。一般來說，異性對您的第一印象都不會太深，您是需要經過交往的階段，異性才會發現您的氣質，優點與內在美。換句話說，您很容易第一眼就喜歡上一個人，如果您剛開始不喜歡這個人，經過長時間相處也不會喜歡上他。相反地，您的戀愛對象不容易第一眼就喜歡上您，卻很可能經過長時間相處而喜歡上您。因此，如果您在等待美好的愛情，您可以試著把自己的內在美透過各種方式表現出來，多參加各種活動，多培養各種興趣，多接觸不同人群，如此您會在不知不覺中，讓您的內在美隨時展現，愛情才會更順利。

在人生的旅程中，您的戀愛或結婚對象很有可能是先經由親友介紹或相親而認識，因為您對於愛情比較不太有經驗，也不善於包裝自己、行銷自己，有時更怯於表達自己的感情，碰到喜歡的人也多半停留在欣賞的階段，不僅不容易給對方一點暗示，更不會表白或倒追，因此不僅錯失許多機會，更在心中產生既期待又怕受傷害的感覺，反而更不容易擦出愛的火花。您若是對象還沒有出現，不要心急，在您身邊確定有人正喜歡著您，只要您真心誠意給對方一點暗示，幸福就在您身邊。

◎簡易財運事業分析，您不容易守財，也不容易儲蓄，每次累積到一定的財富就會發生一些事情讓您花錢。◎

根據命理分析，您不容易守財，也不容易儲蓄，每次累積到一定的財富就會發生一些事情讓您花錢。您對於生命比較達觀，因此不會對自己，也不會對家人或朋友太小氣。在您手頭比較緊的時候，該花的錢您還是會花，不會一毛不拔；在您手頭比較寬裕的時候，您花錢會很大方，不會對自己、家人或朋友小氣，正因為如此，您當然不容易存錢。此外，您很容易因為朋友的介紹而做了某些投資，而且常常虧本。這是因為您的個性交遊廣闊，也認識很多人，所以當朋友來找您投資時，您不容易分辨風險，也不容易拒絕，所以當然很容易虧本。如果以一生的時間來衡量，您今生大部份的財富會被您拿來做自己想做的事情，您會認為您使用過的金錢才是您真正擁有的財富。之後，這些財富大半會遺留給子孫。

十七度

之前純粹覺得首歌好聽而不停loop
今日先搵番歌詞出黎睇
search歌詞既時候
出埋yahoo知識+, 有人問到底首歌講咩
ummmm
聽左咁多次, 我都唔係好知到底歌詞係咩意思
但係一睇
竟然係我成日都諗緊既野

(以下內容為轉貼)

人與人之間就像兩條平行線，隨著緣份而慢慢走近，可惜最終還是各走各路，
如副歌歌詞所言：
雙方似並行直線　　從交叉角度相遇 　
曾經交錯但離去後　不會再遇

邏輯一點想，就是有兩條平行的直線，
相交，形成一個十七度的銳角，
但穿過交點後，兩條線便會再度分開。
藉著兩條線，含蓄地表達了現代都市人的人際關係（愛情、友情等）。
＜十七度＞這首歌不像普遍的流行曲強調失戀的傷痛，而是回味過去：儘管不能與戀人天長地久，但過去也是美好而珍貴的，給人一種灑脫和淒美的感覺。






一刻有想過貿然找尋你
講聲你好嗎仿似知已
但怕要呼吸那份陌生味

乍短的偶遇 長久的隔開
難以置想往日曾相處
雙方似並行直線
從交叉角度相遇
曾經交錯但離去後 不會再遇　

有想過　重遇應該不錯
卻清楚　就算再遇卻怎麼　時地已過
雙方似並行直線
從交叉角度相遇
曾經交錯但離去後　不會再遇

終於會越行越遠　時機走過勒不住
曾經交錯但離去後　不會再遇

超級慳妹大作戰

先貼一下早幾天跟cezi的相片

睇下我地兩個幾襯!!
而且影得我非常之瘦
做得好!


昨晚原本想到新法友的聚會蒲一下頭
點知被昆落樓之後佢地突然轉陣變成去睇戲
我真係對果套特務S o麥零興趣啊
唯有返屋企算了


超級慳妹大作戰
今朝的香腸包唔去聖安娜
轉去街市間舖仔買
加埋包麥精
早餐+午餐只需$6.5!!


響公司同個外國人講電話
唉我d英文真係..........................
face to face講都無乜野
但唔知點解硬係唔慣用英文講電話

面皮厚地A來了奶皇包珍珠雞蘿蔔糕
真係........好好食
因為.........我真係好肚餓...........................

放工即刻返屋企食飯
超級慳妹大作戰!!!!!!!!!!!!!!!ushhhhhhh





我真係好唔開心
近幾日都訓得好差
神經質
零安全感
電話響唔敢聽
從未試過由朝到晚都keep住係愁眉苦臉
我真的好想把問題解決................

繼續立雜

今日返左KEC拎transcript同搞cef野
睇黎係最後一次返space係為左搞自己野吧
下次再返去應該會係幫手oday同sit counter

好開心
竟然撞到好多人!
首先撞到mpw果lecturer.....佢竟然一眼就認得我
如果唔係佢對我笑先....我都為意唔到果個係佢......
仲有見到阿wind, kriss同ayee
非常感激文靜小姐既幫忙!!!
你簡直係黎打救我既女神呀~~~~~~~ @o@

大雨下行去搵九龍灣郵局
搬左去d咁隔zip既地方......

搞左一大輪
終於可以起程過apa交學費
一去到.......wa超級多人囉!
上次明明我都係deadline先去交留位費
得果小貓三幾隻
但係今日就排晒長龍

走既時候好似響門口見到mimi ip...???
我有無認錯人呢?

拜hkdiscuss有位爸打既幫忙
我先知道黎緊有咩科要take

foundation in TEA
core studies:
English Communication
Chinese Language
Introduction to Performing Arts (一睇個名就知道係history之類既悶野!!唉....)
Introduction to Computer Technology
Introduction to Technical Drawing (難道真係要學illustrator....?)
Fundamentals of TEA
Creative Process
Theatre Production Process (聽聞lee科好似ptm)
Production Workshops

Department Support Studies
First Aid (required for AESM)
Introduction to management (required for AESM)
Design Fundamentals (required for Design)
Introduction to Model making (required for Design)
Introduction to Entertainment Design & Technology (required for EDT)
Safety in Theatre (required for EDT)

Electives
Introduction to Management
Communication Techniques
Design Fundamentals
Introduction to Model Making
Introduction to Make up
First Aid
Introduction to Photography
Introduction to Video Lighting
Introduction to Entertainment Design & Technology I
Introduction to Entertainment Design & Technology II
Safety in Theatre



interview當日的確有每個人派左張紙寫以上既野
但係果晚我返到屋企就唔知fing左果張野去邊............

space真係一個養豬既好地方
響太空漫遊lee兩年已經將我變成一隻大懶兔
哎呀黎緊要catch up番d艱苦既生活
我真係天生辛苦命啊....................................

喂呀
有無邊個對EO2 concert有興趣o者?

立雜事

今日唔駛返工
尋晚既餘興節目竟然係上facebook玩pictionary
笑死我
真係好好玩
玩到成3點幾先捨得訓覺



*先前知道mell有事
先驚覺有人覺得結婚產子是人生中最重要的事
看來我這種辛苦命到將來還是要繼續向前衝
阿王雨山
第時你嫁左之後
做菜弄飯時可否多做一份
到我的小屋充當婦女義工送飯?



**我間房真係亂得好過份
d notes再唔清就會跌落黎壓死我
但係我仲未有時候有精神執
23號份工last day之後
仲有唔夠一個星期就開學
如果可以有架大垃圾桶停泊響我間房門口
我應該都會有興致動身清理
因為真係唔知要消耗幾多個垃圾袋先可以將我d垃圾拎走晒...............
大家有何執房絕技?
我d雜物真係多得誇張.........



*** 沒可能不看吧?

但有可能會買到飛嗎?=_="
而且W創作社d飛真係愈賣愈貴............





****在log-on看到一個白兔file!
一定要買黎返學用!!!!





*****到底今天誰在yahoo search我的xanga
然後再黎這邊睇左21分鐘12秒?
喂想要我blog咪出聲囉!
咁辛苦搵到黎睇完留個comment打個招呼好喎!!!



******i love you事件仍然係一個謎
喂其實我真係好想知到底係邊個咁得閒
明明只係得prisc同yoshi會叫我做阿can
但我相信佢兩個唔會咁無聊掛...?
我懶得逐個ip對呀
自動蒲頭丫唔該!
敢做做咩唔敢認o者下?



*******早前大家睇到拍晒手掌既波叔
無意中響人地個blog度睇到原來阿波叔拎左金球獎最佳喜劇男主角
Sacha Baron Cohen個正常樣原來都幾省鏡
同佢戲入面個造型差太遠!
實在靚仔過mr bean太多..........
http://hk.myblog.yahoo.com/jw!7sfzWQuRGBJE6DWOiNouFAI-/article?mid=173


********最後一件事
喂誰有興趣陪我睇EO2???

三文魚日

今日番工番1點
我成12點半都未捨得起身!!!
於是......又遲到=_="

坐響office全日
真係好悶
悶到繼續用口水令facebook水浸
每隔一陣就上hotmail睇下有無新comments
之後先知原來今日晏晝最活躍留comments果兩位
不約而同都係因為當時響公司發緊呆!!!

好黑仔呀今日
我條裙竟然斷左條帶!!
好彩響公司我係有打底的
更好彩既係我公司有針線同扣針!
lee兩種法寶真係打救左我....................
但係我想講
條裙咁爛法同我月巴lee件事無關!!!

ballet果班妹妹今日竟然即場響度釘絲帶!
嘩想當年.......
我親自落手釘果d絲帶
對鞋著兩著就一定爆線
所以最後lee項工程都係落左響我媽手上........................

晚上又見ap友
cezi生日快樂!
去左女人街間"一休"度食日本野
d野都幾好食
狂叫狂食食到好似放題咁
一共叫左成4磅三文魚
食到好飽好飽
一人都係一百三十蚊落樓咋!!

最衰都係carlos!
提咩個"爆"字丫!!!
搞到席間我條裙條帶又爆多次!!!哼哼哼

又係black magic
同有d人玩真係好好笑
華田勁叻
是日ayee金句:
我唔係蠢, 只係我個腦轉得慢!

飯後去影貼紙相
勁期待山頂浪漫之旅!!

岩岩無意中發現
我其中兩位男性好友
carlos同阮x峰
生日日期只差一日!
從星相命理既角度黎睇
唔怪得我同carlos會咁一拍即合啦..............原來我已經有前科.........

八八八

reply樓下entry既Anonymous,
wa你邊位?
個個都爭住愛我~~~hohoho


今日返工
由一點返到七點
都真係幾累

打算去elements間three sixty買壽司食
路經百老匯
入去買番個headphone
咁岩奧運開幕典禮開始
d人掛住睇電視
搞到我企左響度好耐都無人理我囉..................

去到three sixty
點知所有d壽司併盤都賣晒!
唔通又關奧運事
個個買壽司番屋企一路食一路睇電視?

成個ceremony好有中國色彩
吊威也傳聖火都好有型呀
仲一路響卷逐上面"跑"
真係少d體力都唔得!


其實我好想睇EO2 concert囉...........
有無人有興趣陪我睇呀?

餘興不絕

真係好癲....................

赤貧線下

reply waiman,
係啦有d真係好準呀! 我真係好鍾意翹住人隻手架...............

她是相當直接的，不管任何事情。如果你覺得她太不拘小節了，她會覺得你有點奇怪，甚至會認為你不夠大膽。這有什麼關係，只不過是挽著你的手而已，又不是要跟你結婚；她也會如此對待她的男性朋友，所以你就別太大驚小怪，這在她認為實在是沒什麼好值得驚訝的。


今日終於有d世藝
跟mimi同kannie去four season high tea
(講左成年幾兩年, 終於去到了)

個tea嘛
一半半好食啦
下次都係試下半島囉~~~~~~~
(又係講左成兩年...........)

行ifc lane crawford
agent provocateur的確犀利
除左終於見到佢d靚到我買既話會用黎著響面既corset之外
仲試左佢支香水
下晏4點幾噴響手腕
半夜2點半仲係好香!!
其實我幾鍾意隻味
可惜佢兩個一個話太濃一個話太俗

響中環行左一陣就要返工喇
我地下次再行過!!!!!!!!!!!!!!!!!!!!!!!!!!!!!

今日終於講左出口話要resign
我兩個老細原來已經預左
last day係今個月23號
唉
好似好衰咁, 入到apa就飛起佢地咁.......
lee份工始終係我so far做得最長既一份part time
不過真係沒辦法啊
到時真係上唔到degree就喊都無謂

所以呢
有誰對我份job有興趣???
人工.........唔算高啦
有興趣者可以同我聯絡



再者
恭喜友人終於轉到科
呼, 記得舊年我都有份踢佢入局
有太多野要放手果陣真係的確無得勉強
說得實在太對



估唔到完show一個星期之後仲有餘興節目
就係響facebook狂tag自己個樣!!!
淨係tag自己都tag到手軟
原來我同carlos真係影左好多好多相
多到我都未正式統計過佢部相機入面究竟有幾多我個樣..........
搞到我今日響office悶到嘔果陣都仲要偷偷地上facebook打comment
但又要忍住唔可以好似平時響屋企睇相咁陰陰嘴笑(要擺個扮忙樣出黎)
真係好多變態相呀呀呀變態!!!

不過呢
如果我地要搞個"誰是攝石大王"選舉既話
sonny一定嬴硬!!

又打八號

今日又打八號波
好彩唔係早幾日on緊show果陣黎o者
如果唔係個票房一定更加悲慘.....................

<<衝上雲霄>>尋晚終於大結局囉
由我去完旅行落機果晚開始陪我
期間雖然我因為貪婪食宵夜所以睇少左半集
到後期因為電腦壞左又無得download番黎睇
終於都大結局喇
我都係時候將一d人一d事放低啦
嗚不過我唔捨得半夜無得再睇馬德鐘同蘇玉華啊

本來今日約左做body check的
點知真係打得成風
邊度都唔駛去囉
我7月尾果陣已經book左時候
都唔明點解咁都book得正打風果日.....!!!???

本來起左身
但一睇到係八號風球知道邊度都唔駛去
唯有番去繼續訓回籠覺

晏晝msn又開大會
話題個個變態
由睇ap相講到打xanga
猥瑣男講到腳毛伉儷
再講到睇相同食軟飯
上進心講到買車買樓養狗仔
臨死前要做既事到ayee大朝拜
變成協助嘉霖計劃迷失澳門之旅
一講講左成幾個鐘............................

前兩日有人講起星座既事
本來我都唔係太信的
(咁到底係邊個信tarrot信到十足十呢?)
由於太悶, search左d黎睇下
唔睇由自可, 一睇原來真係超級準!!

人馬座的女性態度積極，見多識廣，別人都覺得她值得交往。她富於智慧、有哲學傾向、多才多藝，既有孩子氣的幽默感，又有對荒謬事物的嘲諷能力。她的冒險精神混合了知性與感性的洞察力，無疑是每一個思考型男性的夢中情人。

有歡樂的地方就有人馬座，在人群之中，她們是個開心果，和白羊座、獅子座同屬火象星座，性子一樣急，但是多了一分悠哉。她們天性樂觀、不怕胖不愁吃。她對人對己都很寬容，生性慷慨不計較，容易原諒別人，當然也容易原諒自己，尤其是包容自己隨心所欲的購物習慣。要認出她們很容易，心寬體胖的身材(=_="")、和隨時大血拼的氣魄，以及樂觀的人生，找那個沒煩惱的她準沒錯。

如果你遇見一位學習慾望很強，興致一起便一股腦地鑽研進去的女人，十之八九是人馬座女子她的工作即使忙碌得要命，她卻很能夠樂在其中，沒空抱怨。想要看很多的書，做很多的事，非常的有幹勁和衝勁。人馬座女子很容易崇拜一個人，可是一旦所尊崇的人失去了被她景仰的理由，他在她心目中的地位馬上一落千丈。人馬座女子對人事狂熱的心，使得她的生活像是一場無盡的冒險。她是一個積極而又活力旺盛的女人，確認目標後就義無反顧、勇往直前，射手女人的不馴來自天性不喜束縛的自由，對玩樂十分在行的唷！　　

潛藏各種各樣的才華，是個多才多藝的人，若經常給予訓練，成功是指日可待的。什麼都坦率地說，最討厭嘰嘰喳喳地發牢騷和說悄悄話。個性明朗、開放，不管去到哪裡，都能結交一堆朋友。便服也好、盛裝也罷，只要用心去打扮都能穿得十分得體。呱噪、喋喋不休的嘴，總讓人不由得想拿耳塞來。忽冷忽熱沒月定性的心，只有三分鐘熱度的嗜好一大堆。

人馬座的女子是熱力四散的，有的時候會熱得稍微失去控制，而傷了許多人。她是活潑好動的，雖然她看來是如此文靜，可是只要那個開關被打開了，她就會無止盡的令你煩擾不已；別以為只要把開關關掉就行了，那個開關根本就是個壞的。若是運氣好的話，你也許可以找到電池，想辦法拔掉；但是她又很可能是用插電的。

她是相當直接的，不管任何事情。如果你覺得她太不拘小節了，她會覺得你有點奇怪，甚至會認為你不夠大膽。這有什麼關係，只不過是挽著你的手而已，又不是要跟你結婚；她也會如此對待她的男性朋友，所以你就別太大驚小怪，這在她認為實在是沒什麼好值得驚訝的。

基本上，她對於雙關語是免疫的。她常會搞錯感情，錯把友情當做愛情，愛情當友情，這會令她相當困惑。所以你若是喜歡她，並且想和她交往的話，可以不用費盡心思的用委婉的言語來表達，你只要直接的告訴她就行了。然後你可能會聽到她發出一陣嬌笑，告訴你別開玩笑。或者是露出她美麗的淺笑，豪爽的回答：好啊。好像沒什麼浪漫可言。

她不會喜歡上綿羊型的男人，因為她喜歡那種被保護的感覺，但你可要瞭解：被保護並不代表可以被左右。她可是相當獨立的，而且她像是頭野馬，要想馴服她，可沒那麼容易喔！她可不會隨隨便便就一頭衝進熱戀之中，除非你一開始就向她證明：你絕不會非要她“定”下來不可！

十二星座中，屢戰屢敗，卻又不怕摔得頭破血流，仍願意屢敗屢戰的，恐怕只有人馬座女子，因為第一、妳健忘，第二、妳樂觀，第三、妳不服輸，第四、妳有自信，第五、妳享受冒險的過程，只要一直保持下去，沒有不成功的一天。　　　

人馬座關在家裡，往往會使魅力減半，喜歡享受的妳，適合往人多的地方跑，最好在陽光下或人群聚集處，妳才能得到歡笑與掌聲。男生個性的妳，桃花運往往來自各類比賽與遊戲的競賽，和男性們一爭長短的場面，時時可見，女中豪傑的妳可是很少認輸的。　　

一見鍾情總視重複發生在人馬座的妳身上，妳迫不及待的想用熱情溶化人，喜歡羅曼蒂克的感覺，非常重外表，愛長得稱頭、好看、性格的男人，愛情對妳而言，是一場又一場奢侈的豪賭。傻大姐的妳，是否已準備好來一趟愛的雲霄飛車了呢？

wa
原來我咁典型架咩?
樣樣都中既???

歸位

因為on show既關係
偷左一個星期懶無返工
今日終於要歸位

唉
我諗我都有d "show後抑鬱症"
無啦啦又會拎ap d相黎睇
嘉霖果篇xanga都係今日下晏先update
我已經翻睇左三次
得閒又拎本場刊黎揭下咁
雖然完show就好似失戀咁
明明(又明明)我已經失過十幾次戀啦
果日夜晚都無乜野
多數我都係打後先好唔捨得........aiya

聽日body check
希望我唔好有d咩暗病......阿門!!
(哎呀呀呀要抽血好緊張)

貼番尋日去科學館d相~~~
lee位選手值10分掛?
cezi專登request影埋"釘床"兩個字的
又要無聊一番..................
見到鏡點都要影番一輪先捨得走
又真係影得幾型...........哈哈哈
一堆小矮人
好一張賞花圖...............
嘩嘩嘩睇下我......真係超瘦!!!
分身術

快樂的一天

狂賀阿企收到apa aesm foundation offer
同我一齊繼續做同學仔!!!

reply priscilla,
嘩哈哈哈
點呀你hou左成年仔
生得未?


今天我家小弟會考放榜大日子
條友仔14分原校收返
算係鬆一口氣啦

今日同ap友一共10人先去唱k lunch
我把聲仲未好返晒
又唔記得帶喉糖開聲
所以其實全日都響度亂叫.............

雖然唔可以話盡興
但係$44蚊既k lunch係好好味既日式定食(我既係魚生飯, 都okay咁囉)
真係唔錯
我平時飲左咁耐"菊花蜜"都係覺得無問題的
但係今日竟然有人話lee個名飲品唔會飲得落口................

再去科學館(就響我等緊玩跳舞機既時候阿企打電話黎
所以都無咩點同佢傾)
玩玩下失散成三組人
我, sonny, carlos同cezi 淨係響basement果層已經玩左好耐
5點去到玩到9點收檔先走

肚到飛起
晚上兜左個圈去重慶再行返轉頭返尖東
去好時沙爹食海南雞飯
上次去都係唔夠海南雞飯俾我地
今次去仲要完全無油飯!!!
唯有轉食椰香飯
ummmm真係食唔返馬來西亞果d咁好味既椰香飯啊...........

玩足全日真高興

響我打緊lee篇entry既時候
我仲收緊carlos d相
所以遲d先貼上黎啦

真係超級鍾意我lee個"淫賤女教師"look!
wakakakakaakakaakkaka


睇下我條腰................勁幼!!

出劇社

終於終於終於
annual performance完show了
非常感激各位對我lee位老鬼既照顧
令我可以了無心事咁離開drmsoc, 離開space

我向來都非常健忘
特別係我會好快就忘記唔開心既事
只會揀選開心既留低響我個腦入面

我會記得曾經同你地一齊大聲唱歌
一齊去仙果園食宵夜飲朱古力雪香
一齊食生果
一堆攝鏡先影到既相
一大堆爛gag

有好多野都響大家unexpect之下發生
lee d記憶雖然毫無價值
但又絕非唾手可得



而我呢
隨住曲終人散
我的演員生涯終於要結束lu
謝幕既時候
我再一次睇清楚燈光下既舞台
我會懷念企響台上面既感覺



最後最後
連我響入劇社最後一個任務都完成左
過去lee一年我都係摸索緊應該點樣履行我既職責
識得做p既人未必識得做vice-p
識得做vice-p既人亦都唔代表佢知道點樣做p
anyway, 我終於都唔係vice-p了

希望下莊接收到既唔止係代表權力既soc印
仲有我地滿滿既愛(擺滿左既pictionary卡)
響黎緊lee一年繼續製造更多美好既回憶
(特別鳴謝carlos幫我影左果幾張見證歷史時刻既交接相, 呼~~~)

終結, 就是開始