由2007年夏天, 我地兩個一齊響書展買下果兩本旅遊書開始計起, lee個星馬trip籌備差不多一年.
嘩好似好耐咁呀可?
其實我開頭都好懷疑係唔係真係會成行.
結果, 又真係係去完番黎啦喎,真的意想不到.
意想不到既係, 我一直認為"無咩好玩"既城市, 竟然給我留下唔錯既印象.
(更意想不到既係點解我會應承去兩個認為"無咩好玩"既城市呢?
連旅遊書上所講既景點......都無乜邊個令我心動.......
其實無咩既, 咁我真係未去過嘛, 我諗世界上無咩地方真係會唔好玩. 咁咪一於去睇下囉)
雖然話就話籌備左好耐, 但係事前既準備絕對係倉促!
相信大家都記得我響出發前幾日post出黎果個"完美full schedule"吧?
我只係得半夜既時間係空閒既(而且都唔係晚晚半夜都得!例如響塘福果晚同埋interview前果晚)
所以我記得係出發前兩日既半夜, 既係我響cu睇完"山海經傳"再同mike跟小寶宵完夜先去到andy屋企傾行程......相信果日情形大家都估到....
無錯......當我接過andy兄丟俾我既一大堆旅遊書, 我就響梳化上面訓---著---左--!!
結果andy都係怕左我, 成個行程由佢全權計劃)
總括黎講, lee八日入面我都有好多第一次!
第一次去新加坡啦, 第一次去馬來西呀啦,
(前者擺明tourism developED, 所以有好多"明呃遊客"既玩意讓你盡情洗錢!
eg 認真唔平既duck tour, santosa, 號稱世界最高既摩天輪等等.
後者呢......非常落後! railway極之殘舊, 試過等成三個字仲未有車!)
renew果本passport第一次用啦,
(唉, 終於有機會用了)
第一次對住同一位男生8日咁耐啦,
(諗諗下我又唔係第一次同佢去旅行啦喎, 如果去澳門都叫去旅行既話......
呀唔知當年響melbourne足足同我做左14日roomate既crystal小妹而家點呢?)
第一次搭國泰啦,
(真係"難得富貴"地選搭國泰......除左飛機上面同d flight attendant"同聲同氣"之外
[因為對方用任何語言問我, 我都係用廣東話回應, 因為懶得轉台...明就得啦係咪,我知你係香港人啊]
[但係andy卻又真係次次用英文答架喎......可能就係AL UE oral拎A同拎B既分別!哼! (此人懷恨在心......難得俾我有一個sub-grade有機會高過佢都唔得!哼哼!!!)]
又唔覺有幾privillage喎!仲要boarding gate去到65咁遠!趕到我丫)
第一次homesick!
(只係最後一晚臨訓前sick左半個鐘而已)
先黎睇睇酒店巡禮~~~
(相片可以click落去放大睇)
第一站: 新加坡
The Scarlet Hotel
http://www.thescarlethotel.com/
(逗留日數: 兩晚)
我想講我成個trip入面, 最最最滿意既事就係揀左lee間酒店!
真係超超超靚!!!
lee間以A Boutique Hotel定位既hip hotel, 入面裝修都係以黑色, 金色, 紅色等等為主.
luxury得黎貫徹佢個名既風格,連小細節都唔放過, 例如room service, 前菜稱做"foreplay", 甜品就叫"lust bites", 西餐係"western affairs"等等.
wooo~~~真係睇下個menu都令人有無限瑕想啊!
匙卡
hotel lobby, 超.........靚!!!!
room service menu
靚死人既梳化....都係響lobby
都係lobby
個酒店早餐超讚! 半自助式, 即係生果呀, 麵包果d可以任拎.main course(?)就係order既. 我lee個係asian fusion,個蓋飯超級好食! 而高腳杯裝住既竟然係豆腐花........!!!
門口
連廁所都好高貴 (睇下鏡前面真係好多一支支)之但係!!d房真係好爆細!!!
第一晚去到, 佢話幫我地upgrade左上excutive room
滿心歡喜咁開門
點知...........
我終於明白咩叫做"一開門就係床".....=_="
我岩岩先再上佢個網睇.....咦果晚果間房
又好似真係excutive room黎架喎
除左張床長dd之外,我真係睇唔到有幾excutive...
至於臨尾果晚仲激
我地request左twin bed
一打開門, 都估到佢間房咁細, 邊做到twin bed呀?
結果係, 兩張床既距離並無一吋闊!我起身既時候, 仲發展有隻腳撐左去人地張床邊......
我睇一眼見到所謂既twin bed, 都冷笑左一聲..........第二站: 馬六甲
The Legacy Melaka
http://www.malacca.ws/legacy/
(逗留日數: 一晚........好彩)
無可否認
lee間酒店既外型同lobby絕對剎食(可以click以上網址睇一睇)
但係入到房......係令人失望既頹!
我地好夜先到馬六甲, 搭左成4個鐘車
好肚餓, 但係間酒店竟然無任何currency exchange服務!
(諗番起, 果晚搭去酒店果程的士佬肯收星紙真係謝天謝地)
不過唔怪佢既, 響lee d咁backward地方既酒店係差不多咁架啦...........我唯有咁樣同自己講
於是, 果晚既dinner, 搞到要叫room service
學andy話齋
真係有d似落難............唔怪得佢一早已經同我講話馬來西亞無靚酒店
連風筒都設響電視隔黎拎唔走.....有無腦既呢lee個design??
都幾靚既lobby, 但係d房就...........
我的room service........ portuguese curry dable........味道唔好提啦
房間望出去既景致第三站: 吉隆坡
The Palace of Golden Horses
http://www.palaceofthegoldenhorses.com.my/
(逗留日數: 四晚)
上面張facade相無呃大家........間酒店真係好豪華!!
而且出面同入面一樣咁靚!!
之前果晚住著間頹酒店
入到lee間"係路"既真係格外興奮!
其實間酒店係響一個大財團既resort city入面
我地仲響lee間酒店入面既"jojobali"做左兩次spa
出面果個池塘仲有water taxi送你去購物中心
(當然, 叫得taxi...係要收錢的!住客都係咁話
而且價錢仲唔平, 我記得去railway station係貴過搭正常的士)
匙卡
每間房都有露台, 望出去果陣,我真係住響皇宮入面既公主!
廁所都係馬
勁多馬
四圍都係馬
又係馬....
酒店早餐
無錯...上面張相同lee張相......係同一餐早餐黎既! 我係大食, okay?至於八日入面每日做過d咩
我的確係用手寫低晒
之但係我係唔係真係會post上黎呢......等我諗諗先
可能前言之後
就即刻會係後記都唔定..................
