黑夜女王

其實每日我都有好多事想記低
回憶需要證據嘛
希望今後我可以有多點energy勤一點寫blog!

昨日難得地早左一個鐘收工
行到出葵青劇院
剛剛撞岩anderson project散場
撞到好久不見既維維!!!
估唔到之前響機場見唔到, 竟然俾我地咁樣撞得見!!
好開心啊
哈原本我係見到佢男友先架, 仲諗緊點解lee位仁兄咁熟口面
話時話這個anderson project我原本都有d興趣
因為我公司的designer同事話lee個正點一定得睇
但係end up
我都係懶得去買飛.........
哎呀我真係超級懶
唔得啦唔得啦
我要快d搵一堆想睇既戲然後去買飛先得!!!
btw有人有興趣睇幸福太太嘛?
(唔知仲有無飛呢?)

早前家駒同我提過既festival
響msn入面
為了保持形象
我只告訴了他, 如果信得過我既話就搵啦
實情係
哎呀呀拜託留番個位俾我丫!!!!!!!!!
唔該一定要搵我呀~~~~~!!!!!!!
我坐左大半年冷板凳..........坐到頹晒啦!!! 囧

出旺角轉車
仍然唔太想番屋企
於是響旺角徘徊左陣
去開益買左本書
係久違既櫻桃子散文!
仲以為佢唔會再出散文集添!
熟悉我既朋友
都可能知道我屋企差兩本
就有齊一整套既桃子手記
今次lee本係2007年出既
叫"一個人相撲" (最近真係咁興寫"一個人系列"?
之但係我用一晚時間睇晒成本書
內容根本同"一個人"甚或"相撲"都毫無關係架啵!)
真係開心!
所以立即買左!

好想買衫啊
好想買d超級花俏既連身裙!
點花俏法呢?
ummmmm
總之要花俏到一個OL唔著得番工既!!!!

今日
終於有假放啦啦啦啦啦啦
豪訓到下晝5點先起身
事實上lee個星期以黎我都係夜間出沒既動物
工係夜晚番既
戲都係夜晚排既
晚晚成12點幾番到屋企上下網睇下書就4點幾5點先訓
我既習慣係如果唔駛較鬧鐘起身既話
一定會響周公殿朝拜個十二小時先識番落黎

一起身
悶到嘔既感覺立即湧上心口...!!!
嘩唔得真係超級悶
但係都6點幾啦喎, 仲可以有咩搞作呢?

立即打電話約好久不見既阮x烽去松記食糖水
順手交換埋手信整整一年都拎唔到既手信
知道有街去之後人生立即充滿希望!!!
真係架真係無誇張架
可想而知
我真係好悶好悶好悶........!!!

無心插柳之下
順手約埋mimi
響去搵阮x烽之前去mega box食甜品
於是我今日就連食左兩餐甜品!

番到屋企之後
由於無食過正餐, 其實仲係有點點肚餓
於是
繼續食!!!
wa一路飲蘑菇湯一路搵番之前istage訪問黎聽
真係人生一大快事耶

仲有一件事
就係今日
我化左眼妝出街!!

你知道嗎?
去完旅行番黎個幾星期
我一滴妝都無化過!!
(噢原來只有個多星期啊?
怎樣感覺上這個trip像是好久之前的事?)
唔可以再係咁頹落去啦我!
我要番番去好似以前咁樣!

噢
天光了啦?
係時候去訓覺囉