笑大我個口

一放假就變成"宅女"的我, 今日全日既節目當然又係上網
又呢, 剛搵到d爆野想同大家分享囉!

在人家的blog(1/2)閱到一個交友網站
賣的就是只要付出$450大元及便可以跟一位女生一對一共晉晚餐
得到一個認識新朋友的機會(晚飯錢另計)

實在太勁喇!
尚且不說$450的"聊天費"實在太貴(喂這舊錢還要未計當晚吃飯用的錢喎)
或者要不要用到這個方法去"擴闊生活圈子"

而是......................這個"商業網站"弄得有點太求其了吧?!

有無搞錯呀唔通佢地認為會有"有點學識, 有點財政獨立的斯文男生"睇完個咁既網頁就會有興趣俾錢佢賺?我睇完f&q果版真係呆左........

感覺就係好求其好求其

好似幾個麻甩圍埋一齊無啦啦吹下水就吹到有個一石二烏既"發達機會"有錢搵之餘自己順手又可以從中溝到一兩條女既創業計劃咁樣

或者我唔係佢地既target audience
所以我唔會明白佢地所謂既"幽默"

但係最少
佢地咁樣present自己, 好難令d"客戶"對佢地有信心下話.......