出土文物

我都係仲未肯訓覺囉

剛才沖沖下涼突然又屎忽痕
今次誓要將餅"西遊記之紅孩兒"錄影帶搵番出黎


或者要響度講下到底係咩一回事
這要追溯到我仲響城市當代舞蹈團跳ballet既時代
話說
"西遊記之紅孩兒"係我咁大個女第一次參與公開performance
那是1994年聖誕節
地點是演藝學院歌劇院

當年膽小的我當然不會是自告奮勇要去表演
(你唔知咩?我form 1開始練獨誦先忽然變大膽啦,有機會再講)
是我媽叫我去見下世面
而同我一齊跳舞既同學又有份去
剛好果陣係上上下堂要過去隔黎間房度身
咁我又無咩所謂,咪跟埋過去度囉

7歲既我當然唔知道apa lyrics theatre係幾咁犀利
總之每個星期日要去排舞
都係我媽帶我落去架o者
真係無咩特別感覺

十幾年之後
我記得既係,帶我地lee堆o靚妹果位
係daniel哥哥楊春江
上台既時候化既妝好濃
但係我媽話會叫我爸帶條毛巾俾我落妝
係係end up都係無囉
於是我第一日半夜就係咁化住個濃妝響ccdc番屋企
我記得我果陣已經有"咁樣走出街會嚇親人"既concept
不過我媽話夜晚無所謂啦
仲有響正式on show之前果晚既dress rehearsal(當然我到今時今日先知道果陣叫dress rehearsal啦)
膽小的我響backstage等出場前因為有d緊張(一舊飯原來都會緊張的)同埋怕黑而大喊
lee件事竟然搞到full company都知
因為夜晚臨番屋企之前響ccdc門口我的確聽到有人響度談論緊有個細路出場前喊lee單野囉
題外話一則
某次我響ccdc跳舞曾經俾人罰留堂
對,是罰留堂
因為一d簡單既steps學極都學唔識
當然,罰留堂之餘不少得會俾人罵一餐
而lee世女最怕俾人罵果位靚妹
只要一俾人罵就會喊到收唔到聲,搞到要同學先陪我去廁所抹眼淚
我記得響去廁所路上,ccdc果條樓梯度
遇上了daniel哥哥同埋另一位編舞姐姐(對不起我真的對她沒印象了)
阿daniel哥哥唔知點解認得我(佢果陣真係識得我的,而唔係純粹為左lew靚妹)
問我點解喊
當時我忙住喊,喊到出唔到聲
而且俾人罵到喊,好尷尬架嘛
所以無應佢
於是佢就問,你仲認唔認得我呀?
喂呀大佬人地喊緊點應你呀?
然後佢就講一句,噢佢唔認得我啦就走左囉

時至今日,唔知點解我仲會記得lee一件小事
可能如果我家陣見番佢,將成件事describe俾佢聽
佢都唔會記得囉
但係,其實我真係認得你架!

除左阿daniel哥哥之外
我記得既仲有
做個勇敢中國人+skip
十幾個人圍住玩"思思壽司店"
(喂其實仲有無人記得lee樣野點玩呢?)
仲有"小皮球"同"黑白"
(以上都係用黎等出場消磨時間玩的)
(哈哈可能以前細個已經慣左等出場,所以而家做大side cast都覺無得無乜野囉)
用黎落妝既一大樽ponds
(講真而家應該唔會有人用cold cream落妝掛下話?)
我跟果位dancer係紅孩兒
"紅孩兒聖誕節放假啦yeah"係我地既唯一lines
紅孩兒英文係red baby king
apa lyrics theatre backstage大到由dressing room行去台前可以蕩失路

其實十幾年
轉下眼就過,所以仲記得lee d並唔出奇

講左咁耐,點解我無啦啦咁想搵番盒帶出黎呢?
其實係因為
我而家其中一位老細
果陣就係有份做lee套既dancer
原來早在十幾年前我地已經同過台
我睇番場刊先知佢係做沙僧
上次同佢提起既時候,佢話佢都無睇過盒帶
緣份就係咁微妙
於是,我都好想搵番盒帶出黎俾佢睇

而且
回憶需要證據嘛
我都有好多年無翻睇過喇

之前其實我響電視附近果堆帶度搵過
但係搵極都搵唔到
仲以為俾人丟左
頭先沖完涼果陣,再搵多次同一個地方
都係搵唔到
但係唔知點解,我有感覺要入細佬間房搵
竟然俾我響書桌低既暗角見到有個大膠箱
入面有仲一堆雜物同錄影帶
而我想搵既野就響入面

失而復得
好神奇呀可

盒錄影帶既condition睇落唔錯,無發毛
我諗應該仲睇得番
響香港咁濕既地方都仲keep得咁好係好難得架喇
我公司仍然有錄影機lee樣裝置
聽日一於帶番去開黎睇下